Feeds:
Posts
Comments

නැගෙනහිර ඇවිලෙන මුස්‌ලිම් මූලධර්මවාදී ගින්න…

දෙදිනකට පෙර දුටු අතරමඟ වූ සියලු දසුන් යළි දැසේ රඳවාගනිමින් අපි දෙහිවත්ත සිට යළිත් සේරුනුවර මාර්ගයට පිවිස කන්තලේ දෙසට ගමන් කරන්නට වීමු. අපේ ගමන් සගයාගේ වේගය එසේමය. ඒ පිළිබඳ කතා කරන්නට දෙයක්‌ නැත.

රථයේ පසුපස අසුනට වී සිටින බන්දු මල්ලීත්, කපිල සහ චන්ද්‍රසෝම මහතාත් සුපුරුදු ලෙසම මහා සංවාදයකට පැටලී සිටිති. තර්ක විතර්ක මැද කෙරෙන ඔවුන්ගේ සංවාදය උච්ඡස්‌වරයට ළඟා වන ඇතැම් අවස්‌ථාවන්හිදී අනෙකා පරයන හාස්‍යජනක වදන්ද පිටවන්නේ අපගේ මුවගටද සිනහ උපදවමිනි.

එහෙත් සිනහසෙන්නට නොහැකිය. වෙනම පරිපාලන ඒකක, වෙනම කලාප ආදී දේශපාලන කතාබහ අතරේ මුස්‌ලිම් මූලධර්මවාදය සමඟ නැගෙනහිර මතුවෙමින් තිබෙන අනාගත බෙදුම්වාදී භීෂණයේ සෙවනැළි අපේ සිනහව උදුරාගෙන ගොසිනි.

එකී බෙදුම්වාදී සෙවනැළි අතර සිරවී අසරණව සිටින මේ මිනිසුන්ගේ අෙ¹aනාවන්ගෙන් දෙසවන් පිරී ඇත. එහෙත් අපට කිසිවක්‌ කළ නොහැකිය. කළ හැකි කිසිවකුත් කිසිවක්‌ කරන වගක්‌ද පෙනෙන්නට නැත. තරගයට දැන් සියල්ල සූදානම්ය. තරඟාරම්භයේ සංඥව පමණක්‌ තවම නිකුත් වී නොමැත. නමුත් ඒ සංඥව නිකුත් වූ කල තරගය ඇරඹෙනු ඇත. එදාට අපි කුමක්‌ කරමුද?

කිසිදා දකින්නට නොලැබුණු එහෙත් පොතපතින් දැන සහ අසා ඇති ඒ අතීතය මගේ සිහියට නැඟෙන්නට වූයේ නිරායාශයෙනි. මීට තිස්‌වසරකට පෙර වූ එකී අතීතයේදී වෙලුපිල්ලේ ප්‍රභාකරන් ඇතුළු පුංචි කල්ලිය යාපනය නගරාධිපතිව සිටි දොරේ අප්පා මහතා මරා දැමූ විට දකුණේ සිටි අපේ මිනිසුන් ඒ දෙස බැලුවේ සැහැල්ලුවෙනි.

එම ඝාතනයත් සමග එකල රජය ඒ පිළිබඳ පරීක්‍ෂණයට කොළඹ සිට විශේෂ පොලිස්‌ කණ්‌ඩායමක්‌ යාපනයට යෑවීය. කිසිවකුත් නොසිතූ පරිදි ඔවුන්ද ඝාතනය විය. එහෙත් දකුණේ සිටි මිනිසුන්ට එහිද වගක්‌ නොවීය.

පසුව යාපනයේ සිටි ප්‍රභාකරන්ගේ කල්ලිය 1983 දී යුද හමුදා සෙබළුන් දහතුන් දෙනකුද ඝාතනය කළහ. එහෙත් දකුණේ මිනිසුන් සිටියේ යාපනයේදී එසේ කළාට ප්‍රභාකරන්ට දකුණට පැමිණ සෙල්ලම් කළ නොහැකිය යන මතයක විය.

නමුත් අවසානයේ ප්‍රභාකරන් කොළඹ පිටකොටුවේදී කාර් බෝම්බයක්‌ පුපුරවා හරිමින් මහා විනාශයක්‌ කළේය. එදා නම් දකුණේ අපට ප්‍රභාකරන්ගේ සහ කොටි ත්‍රස්‌තවාදයේ තරම හොඳින් දැනිණි. එහෙත් ඒ වන විට අප ප්‍රමාද වූවා වැඩිය.

අද දවසේ නැගෙනහිර ගොඩනැඟී තිබෙන්නේද අප දන්නා එකී අමිහිරි අතීතයේදී ප්‍රභාකරන් දොරේ අප්පා මරා දැමීමට පෙර යාපනයේ තිබූ පරිසරයට සමාන වූ පරිසරයකි. එහි කිසිදු වෙනසක්‌ නැත. ඉතින් සිදුවිය යුත්තේ අතීතයේ කළ වරද නැවත වතාවක්‌ සිදු කිරීමද?

නැත. යථාර්ථය පෙනි පෙනීත් මේ රටේ මිනිසුන් ලෙයින්, කඳුළින් සහ ජීවිතවලින් වන්දි ගෙවනතුරු නිකම් බලා සිටීමට කිසිවකුටත් අයිතියක්‌ නැත. අපේ සාම්ප්‍රදායික මුස්‌ලිම්වරුන් සහ අප අතර ඇත්තේ චිරාත් කාලීන මිතුදමකි. එහෙත් ඒ මිතුදම සුණු විසුණු කරමින් මේ මතුවෙමින් තිබෙන්නේ මුස්‌ලිම් මූලධර්මවාදයේ බිහිසුණු බවය. ඊට විසඳුමක්‌ අප සොයාගත යුතුම ය.

සේරුනුවර කන්තලේ මාර්ගය ඔස්‌සේ කන්තලේ සීමාව දක්‌වාම පැමිණි අපේ ගමන් සගයා එක්‌ ස්‌ථානයකදී දකුණතට හැරවුමක්‌ ගනිමින් අපේ රථය එක්‌තරා අතුරු මාර්ගයකට හරවනු ලැබීය. සැබවින්ම එය මාර්ගයකැයි කීවද එය නමට තිබෙන්නකි. බාධක ධාවනයට නම් එය අපූරු ඉසව්වකි.

එකී හැරවුමත් සමඟ මම ඔහු ඇමතීමි. “මල්ලී අපි මේ කොහෙටද යන්නේ..” මගේ ඒ විමසීමත් සමග ඔහු මට පිළිතුරු දෙන්නට විය.

“අයියේ.. අපි දැන් යන්නේ නැගෙනහිර බිමේදී කවදාවත් අපේ මිනිස්‌සුන්ට අමතක කරන්න බැරි ගම්මාන තුනක්‌ හරහා ගිහින් මනිරාසකුලම් කොටි කඳවුර තිබුණු කැලේ මැදින් මුස්‌ලිම් මූලධර්මවාදයේ තවත් අධිරාජ්‍යයක්‌ ගොඩනැඟී තියෙන කින්නියාවලට යන්න.

ඉස්‌සරහට අපිට හම්බ වෙන්නේ වාන්ඇළ, පන්සැල්ගොඩැල්ල, ජයන්තිපුර කියන සිංහල ගම්මාන. මේ ගම් තුන ත්‍රස්‌තවාදීන්ගේ කාලේ මුළු රටේම ප්‍රසිද්ධ වුණු ගම්මාන තුනක්‌. මොකද මෙවයේ හිටිය මිනිස්‌සු ඒ කාලේ හැම දවසකම කොටි ත්‍රස්‌තවාදීන්ගෙන් ගුටි කෑවා.

කොටි ත්‍රස්‌තවාදීන් මේ ගම්වලට කඩා වැදිලා පවුල් පිටින් කපල කොටලා මරලා දැම්මා..” අපි මුලින්ම ඇතුළු වූයේ පන්සැල්ගොඩැල්ල ගම්මානයට ය. අපේ සගයා එක්‌ අතක්‌ දිගු කර මට ඈතින් තිබෙන පාලුවට ගිය නිවසක්‌ පෙන්වා සිටී. මම විමසිල්ලෙන් ඒ දෙස බැලුවෙමි. කිසිවකුත් ඒ නිවසෙහි සිටින බවක්‌ පෙනෙන්නට නොවේ. අද එකී නිවසට හිමිකාරයකුද නැතිසේය. මන්ද ඉකුත් කාලයේ ත්‍රස්‌තවාදීහු එහි විසූ මිනිසුන් සියලුම දෙනා මරා දමා ඇත්තාහ.

පන්සැල්ගොඩැල්ලේදී පමණක්‌ නොව හිමිකරුවකු නොමැතිව එසේ පාලුවට ගිය නිවාස රැසක්‌ ජයන්තිපුර සහ වාන්ඇළ ගම්මාන පසුකර යන විටද මගේ නෙත ගැටිණ. මේ ගම්මානවල මිනිසුන් ඒවායෙහි පදිංචි වී ඇත්තේ 1956 දී සිදු කෙරුණු ජනපදකරණ ව්‍යාපාරයට අනුවය.

නමුත් ඒ මිනිසුන් මෙහි පැමිණ අදට වසර හතළිහක්‌ ගතවී ඇතත් ඔවුනට බීමට ජල බිඳක්‌ එගම්හි නැත. එකී ජල ප්‍රශ්නය නිසාම එදා ත්‍රස්‌තවාදයෙන් බැට කෑ ඔවුහු අද වකුගඩු මාරයාගේ ගොදුරු බවට පත්ව සිටිති. එහෙත් ඔවුනට බොන්නට ජල බිඳක්‌ නොමැති වුවද එකී ගම්මාන කෙළවරදී හමුවන කින්නියා සීමාවේ තෙකලා විදුලිය සමඟ නළ ජලය අපූරුවට හතර අත විහිදී ඇත.

සතියට දෙවරක්‌ ගමේ පාර ඔස්‌සේ එන ජල බවුසරයෙන් රුපියල් විස්‌සක්‌ ගෙවා වතුර කෑන් එකක්‌ ගෙන පිපාසාව නිවා ගන්නා පන්සැල්ගොඩැල්ල, ජයන්තිපුර සහ වාන්ඇළ ජනතාව සාපිපාසය ඉදිරියේ අද අසරණව සිටිනුයේ ඉතා ශෝචනීය ලෙසිනි. මේ වන විට නැගෙනහිර ක්‍රියාත්මක මුස්‌ලිම් මූලධර්මවාදයේ ගිලුණු රාජ්‍ය නිලධාරි මාµsයාව ඔවුනට සලකා ඇත්තේ ලැඡ්ජා සහගත අයුරින් යෑයි කිවහොත් එය නිවැරදිය.

අප එම ගම්මාන ඔස්‌සේ පැමිණ වාන්ඇළ පොලිසිය පසුකර යද්දී හමුවන අයිලඩි හන්දියෙන් යළි දකුණතට හැරී ඒ මහ වන මැදින් කින්නියා යන ගමන ඇරඹීමු.

මහ වන මැදින් කීවාට අද එහි කැලෑවක්‌ නැත. නැගෙනහිර පුරා ක්‍රියාත්මක මුස්‌ලිම් මූලධර්මවාදය විසින් ඒ කැලෑ බිම හෙළි කර සිය ජනව්‍යාප්තිය සිදු කර අවසන්ය. අපි එසේ විනාශයට ඇද වැටී ජනපදකරණය වී තිබෙන එකී බිම ඔස්‌සේ අතීතයේ ඒටීටීඊය රජ කළ මනිරාසකුලම් කොටි කඳවුර තිබූ භූමිය දක්‌වාම පැමිණියෙමු.

අපූරුය. මහ වන මැදින් ඇදී යන තෙකලා විදුලි රැහැන් එහි ඉදිවන නව නිවාසයන්ට විදුලිය සපයමින් තිබෙන්නේය. මනිරාසකුලම් පැරණි කොටි කඳවුර අද හමුදා සෙබළු කිහිප දෙනකු රාජකාරී කරන හමුදා කඳවුරක්‌ව තිබේ. ඒ ආසන්නයේ ඇති වඳුරා පැන්න වැව හෙවත් කොරංගපාඥ්ඥංකුම් වැව මේ බිමේ සිදුවන සියල්ල දෙස බලාගෙන මහා දියකඳ සමග නිසොල්මන්ව සිටී.

කැලය මැද බැකෝ යොදා අලුතින්ම කුඹරු තැනෙන අයුරුද බලන්නට අපූරුය. මහ කැලයක එදා තිබූ මනිරාසකුම් පැරණි කොටි කඳවුරට යන ගුරු පාරේ එක්‌ තැනක පාසලකි. එහි සිසුන් අධ්‍යාපනය ලබන්නේ දැයි යන්න අපි නොදනිමු. එහෙත් පෙර පැවති මහා කැලයක්‌ මැද අද ඉදිවී තිබෙන එකී පාසලට ඉගෙනුම සඳහා දරුවන් එන්නේ කොහේ සිටද යන්න සිතන කල ඇති වන්නේ මහා ගැටලුවකි.

මේ පාසල ඉදිව ඇත්තේ නැගෙනහිර මුස්‌ලිම් ව්‍යාප්තකරණයට අනුව අනාගතයේ මනිරාසකුම් පැරණි කොටි කඳවුර සමීපයේ නිර්මාණය වීමට නියමිත මුස්‌ලිම් ගම්මානයක්‌ වෙනුවෙන් ම විය යුතුය. අද එය පාලුවට ගිය ගොඩැනැගිලි කිහිපයක්‌ සේ අපට දිස්‌වනුයේ ඒ නිසා විය යුතුය. එය නැගෙනහිර ක්‍රියාත්මක මුස්‌ලිම් ව්‍යාප්තවාදයේ තරම පැහැදිලි කරන්නට ඇති වටිනා සාධකයක්‌ වැන්න.

කොරංගපාඥ්ඥංකුලම් වැව් බැම්ම මතට ගොඩවූ අපි ඒ මහා ජලකඳ සිඹ එන සිසිල් සුළඟින් මඳකට ගත වෙහෙස නිවා ගතිමු. දැන් උදයේ නැගුණු ඉර අවරට යමින් තවත් හෝරා කිහිපයකින් සැඳෑ අඳුර ළඟා වීමේ පෙරනිමිති පහළ වී තිබේ.

ඉතින් මේ ලබන විවේකය තවත් විඳ ගනිමින් කොරංගපාඥ්ඥකුලම් වැව් ඉස්‌මත්තේ වැඩි වේලාවක්‌ රැඳී සිටීමට ඇති සිතේ ආශාව කාලය විසින් අපෙන් උදුරා ගනිමින් සිටී. එහෙයින් අපි යළිත් මනිරාසකුලම් පැරණි කොටි කඳවුර සමීපයෙන් ඉදිරියට යමින් කින්නියා මුස්‌ලිම් අධිරාජ්‍යය වෙත යැමේ ගමන යළි ඇරඹීමු.

අපේ ගමන් සගයා ඒ දුෂ්කර බිමේ හරි අපූරුය අප යන රථය හසුරුවමින් සිටී. වළ ගොඩැලි සහිත ඒ බිමේ ඇඟට පතට නොදැනෙන සේ ඔහු යන අයුරින් රථයක්‌ පදවාගෙන යැමද සැබැ දක්‍ෂකමකි. එසේ කැලයක්‌ නොවූ කැලෑ මඟ ඔස්‌සේ පැමිණි අපි තවත් හෝරාවක පමණ කාලයකදී සුරංගල් මංසන්ධියද පසුකරමින් කින්නියා සීමාවට ඇතුළු වූයෙමු.

යළිත් කියන්නට දෙයක්‌ නැත. මුතූර්හි මෙන්ම කින්නියා මුස්‌ලිම් අධිරාජ්‍යයේ ආරම්භක සීමාවේ පටන්ම ඒ සුරපුරය ගොඩනැඟී ඇත. පුදුමයකි. නැගෙනහිර බිමේ වෙසෙන සිංහල ජනතාව අපාගත වූන් මෙන් සිටියදී ඒ අපාය පේන මානයේ මෙසේ සුරපුර වන් ගම්මාන බිහිකෙරෙනුයේ කුමක්‌ අරබයාද?

කතා දෙකක්‌ නැත. ඒ අද නැගෙනහිර ක්‍රියාත්මක මුස්‌ලිම් මූලධර්මවාදය සමඟ වන ව්‍යාප්තවාදයේ අනුහසය. කින්නියා සීමාවට ඇතුළු වූ තැන පටන් එකදු ගුරුපාරක්‌ හෝ දකින්නට නැත. එක්‌කෝ ඒවා කාපට්‌ අතුරා අපූරුවට ගොඩනඟා ඇත. නැතහොත් කොන්ක්‍රීට්‌ යොදා මනාව සකස්‌ කර තිබෙන්නේය.

අපි ඒ සියල්ල දැසින් දැක බලා ගනිමින් සැඳෑ අඳු හතරවටින් එබිකම් කරද්දී කින්නියා නගර සීමාවටද ළඟා වණෙමු. පෙරදා රැයක මුතූර් අරාබි පුරයේදී දුටු සියල්ල අඩු නැතිව කින්නියා ප්‍රදේශයේද ඉදි වී අවසන්ය. තැනක මහා දැවැන්ත ලෙස ඉදි කෙරුණු පල්ලිය. තවත් තැනක සියලු යටිතල පහසුකම් සමඟ වූ පාසල්ය. ඒ අතරේ අපූරුවට නිමා වූ නිවාස සහිත ගම්මානද ඈතින් දිස්‌ වන්නේය.

අප මුතූර්හිදී දුටු මෙරට උපන්නවුන් දැයි සිතා ගත නොහැකි කොළපාට තලප්පා දැමූ ඒ හැඩි දැඩි මිනිසුන් මෙහිද සිටී. පෙනෙqමෙන් ඔවුන් මෙහි සිට මුස්‌ලිම් මූලධර්මවාදය පතුරුවන ආරාබින් දැයි සැක සිතේ. මෙරට ආගමන විගමන නීතියක්‌ක්‍රියාත්මක වෙද්දී මේ මිනිසුන් මෙහි පැමිණ එසේ හැසිරෙන්නේ කෙසේද? එය අදාළ වගකිවයුත්තන් සිහිබුද්ධියෙන් විමසා බැලිය යුත්තකි.

මේ සියල්ලේ මතකය හදවතේ රඳවාගෙන අපි කින්නියාවත් ත්‍රිකුණාමලයත් යාකර ගොඩනැඟු=ණු ඒ දැවැන්ත පාලම මතින් අපේ නවාතැන වෙත යන ගමන ඇරඹීමු. මගේ සිතට බොහෝ සිතුවිලි පහල වෙමින් තිබේ. ඒ සියල්ල අකුරු කළ නොහැකිව ඇත. මන්ද මේ සංචාරයේදී ලද අත්දැකීම් සහ දුටු දසුන් මගේ සිතට භීතියක්‌ එක්‌ කර තිබෙන්නේය.

මේ සිදුවෙමින් තිබෙන්නේ අනාගත ව්‍යසනයක ආරම්භයම නොවේද?


නැගෙනහිර ඇවිලෙන මුස්‌ලිම් මූලධර්මවාදී ගින්න…
අප ආ මඟ ඔස්‌සේම වෙරුගල් සිට යළි සේරුනුවර දෙසට ගමන් අරඹා වැඩි වේලාවක්‌ ගත නොවීය. තව්තිසාවත් අපායත් එක ළඟ යෑයි හැඟෙන ඒ මහා වෙනස දැන් නැවතත් ඇස්‌ මානය දක්‌වාම පෙනෙන්නට ඇත. අපේ ගමන් සගයා සුපුරුදු පරිදි රථයේ වේගය ගනිමින් සිටී. ඒ අතරේ මම සියල්ල පිළිබඳ මොහොතක්‌ කල්පනා කළෙමි.

ඇස ගැටෙන මේ වෙනස තුළ අනාගත සන්නද්ධ බෙදුම්වාදයක පෙරනිමිති සමඟ ජාතිවාදය, වර්ගවාදය ආදී ලෙසින් වූ බොහෝ දේ දකින්නට ඇත. ඒ අතරේ මුස්‌ලිම් ව්‍යාප්තවාදය මතින් අද නැගෙනහිර බිමේ රහසේම සීමා මායිම්ද සටහන් වන්නේය. මෙහි ගොඩනැගී ඇති ආරාබි සුරපුරයේ සුන්දරත්වයත්, ඉන් බෙදී වෙන්වී යමින් තිබෙන ජනවාර්ගික සුහදත්වයත් රටට කියමින් සිටින්නේ මහා ෙ€දනීය අනාවැකියකි.

“මේ බිම යළි විශාලා මහ නුවරක්‌ වන පෙරමඟ ලකුණු පහළ වී ඇති වග සියල්ලන් වටහා ගනිල්ලා” යනුවෙන් ඒ අනාවැකියේදී අවසානයටම කියෑවෙමින් තිබෙන්නේය. එහෙත් යහපාලනය, ප්‍රජාතන්ත්‍රවාදය සහ විධායක ක්‍රමය ඇතුළු දේ ගෙන දොඩවනවුන්ට එය නොවැටහෙන්නේය. නොවැටහීම නොව සැබැවින්ම සිදු වතිබෙන්නේ බලය වෙනුවෙන් නොවැටහෙන්නවුන් ලෙස රැඟීමය.

මොවුන් එක්‌ වී යකා බදාගෙන නටන අතරේ “මොන පිස්‌සුද මූ යකා නොවේ” යෑයි පවසමින් ප්‍රජාතන්ත්‍රවාදය, යහපාලනය සහ විධායක බලය ආදී ලෙසින් රටට ඇසෙන්නට අද බයිලා කියන්නේද ඒ නිසාය.

මේ බයිලා අසන ඇතැම්හු යකා යකාම බව දැන දැනත් හුරේ දමන්ටද පෙළ ගැසී සිටිති. සිදුවෙමින් තිබෙන්නේ ඒ ටිකය. අප බෝම්බ මතින් ඇවිද ගිය ජාතියක්‌ බව කිසිවකුගේත් මතකයේ නැත. ඒ අතරේ අපට පෙනෙන්නට මෙතෙක්‌ වෙස්‌වලාගෙන සිටි යකුන් දැන් තම තමන්ගේ විමාන තනන්නට ගමන යමින් සිටින්නේ අපූරු ලෙසිනි.

මුස්‌ලිම් මූලධර්මවාදයේ ගිනි අළු යට සැඟවී තිබෙන නැගෙනහිර බිමේ තමන්ගේය කියන කලාප ඉල්ලන රාවුµa හකීම්ලා මෙන්ම බදියුදීන් ඇතුළු මෙරට මුස්‌ලිම් දේශපාලනය අද මහින්ද රාජපක්‍ෂ හැර යන්නේ ඒ අනුවය. ඉලංකෙයි තමිලරසු පක්‍ෂයේ නොහොත් නාමික දෙමළ ජාතික සන්ධානයේ පක්‍ෂ ව්‍යවසAථාව මගින්ම ප්‍රකාශ කරන පරිදි පැහැදිලිවම බෙදුම්වාදය ඉල්ලන ආර්. සම්බන්ධන් ඇතුළු ටීඑන්ඒ නඩය යකා හා නටන්ට රිසිවුන් සමඟ සන්ධානගත වන්නේද ඒ නිසාමය.

මෙරට මුස්‌ලිම් සහ දෙමළ දේශපාලනය, මේ බිමෙන් තමන්ගේය කියන කොටසක්‌ ඩැහැ ගැනීමේ බෙදුම්වාදය තුළ සැමදා සිටි බව කාටත් රහසක්‌ නොවන්නකි. මීට වසර තිස්‌ අටකට පෙර 1976 දී ඇතිකරගත් වඩුක්‌කෝඩෙයි සම්මුතිය තුළින් සහ 2003 ඇති කර ගත් ඔලුවිල් සම්මුති මගින්ද ඔවුන් සපථ කර සිටියේa එකී බෙදුම්වාදය ය. ඔවුහු හෙට දවසේද ඒ තුළම සිටිති. එහි කිසිදු වෙනසක්‌ නම් නැත. එය එසේ නොවන්නේයෑයි කියන්නට කිසිවකුටත් නොහැකිය. මෙරට මුස්‌ලිම් සහ දෙමළ දේශපාලනය බෙදුම්වාදයෙන් ඉවත් වන්නේ යෑයි සහතික වන්නට අද යහපාලනය, ප්‍රජාතන්ත්‍රවාදය ගැන කියමින් වෙනසක්‌ සොයන අයට හැකිවේද? නැත. බලය හමුවේ කරන බොරුවකින් මිස සැබෑ ලෙස එසේ සහතික වන්නට කිසිවකුටත් නොහැකිය.

ප්‍රභාකරන්ගේ ත්‍රස්‌තවාදය වනසා තිස්‌ වසරකට පසු එක්‌සේසත් කෙරුණු අප උපන් බිමට මේ සිදුවෙමින් තිබෙන්නේ කුමක්‌ද? තල්අත්තට බෙලි ගෙඩිය වැටුණේ හාවා බිය වූ අපේ ජනවහරේ එන කැලෑ කතාවේදීය. එහෙත් මේ සිදුවෙමින් තිබෙන්නේ සෑබැවටම ජාතියේ හිස මතට අහස කඩා පාත් කිරීමට සැරසීමය.

මගේ සිතට නැඟුණු ඒ සිතුවිලි අතරේ බන්දු මල්ලීත්,, කපිල හා චන්ද්‍රසෝම මහතාත් රථයේ පසුපස අසුනට වී බර දේශපාලන සංවාදයක පැටලී සිටිති. අප දැන් සිටින්නේ සේරුවිල නගරයද පසුකර පෙරදා පැමිණි මඟ ඔස්‌සේ යළි කන්තලේ දෙසට ගමන් කරමිනි. නැගෙනහිර බිමේ හතර අතට විහිදී යන අතුරු මාවත් පිළිබඳ අපේ ගමන් සගයාට ඇත්තේ වටිනා අවබෝධයකි. එය අගය කළ යුත්තේමය.

කන්තලේ සේරුනුවර මාර්ගය ඔස්‌සේ පැමිණි අප රථය ඔහු එක්‌ මංසන්ධියකදී පටු මාවතකට හරවනු ලැබුවේ ඒ දැනුම සමඟය. එකී හැරවුමෙන් පසු යළිත් ඔහු සිය හඬ අවදි කරමින් මා අමතන්නට වූවේය.

“අයියේ.. අපි දැන් යන්නේ දෙහිවත්ත කියන ගමට. ඇත්තටම දෙහිවත්ත ගම කියන්නෙත් එල්ටීටීඊ එක නිසා හොඳටම බැට කාපු ගමක්‌. ඒත් මේ ගමේ හිටිය මිනිස්‌සු දෙහිවත්ත අතඇරලා පැනලා ගියේ නැහැ. ඔවුන් ත්‍රස්‌තවාදීන් එක්‌ක ජීවිත පරදුවට තියලා ගැටුණා.. අපි යමු. ගමට ගියහම අයියට වැදගත් විස්‌තර ටිකක්‌ ගන්න පුළුවන් වෙයි. එදා කොටි ත්‍රස්‌තවාදයෙන් බැට කාපු ඒ මිනිස්‌සු අද මුස්‌ලිම් මූලධර්මවාදයේ වගේම තවමත් තැනින් තැන සිද්ධ වෙන දෙමළ බලහත්කාරයේ ගොදුරු වෙලා ඉන්න විදිහත් ඔයාට බලා ගන්න පුළුවන් වෙයි..”

මෙසේ මා සමඟ කතා කරන අතරේ තවත් කිලෝ මීටර් කිහිපයක්‌ ඉදිරියට අප රැගෙන ගිය හේ එක්‌ තැනකදී යළි රථය පටු ගුරු පාරකට හරවනු ලැබීය. එකී හැරවුමෙන් පසු ඒ ගුරුපාර ඇත්තේ කොටි ත්‍රස්‌තවාදයෙන් බැට කෑ මිනිසුන් වෙසෙනා දෙහිවත්ත ගමට යන්නට බව ඔහු මට කියන්නට වූයේ එන අතරමග දුටු අද නැගෙනහිර බිමේ මුස්‌ලිම් ගම්මාන පුරා විසිරී තිබෙන කාපට්‌ හා කොන්ක්‍රිට්‌ ඇතිරූ මාර්ග පිළිබඳවද සිහිපත් කරමිනි.

සැබැවින්ම මේ සිදුව ඇත්තේ කොතරම් දුෂ්ට කමක්‌ද? නැගෙනහිර බිමේ මුස්‌ලිම් ගම්මාන වෙත යන්නට ඇති මංමාවත් මනා ලෙස සැකසෙද්දී එහි ක්‍රියාත්මක මුස්‌ලිම් රාජ්‍ය නිලධාරි මාµsයාව දෙහිවත්ත ගමට දක්‌වා ඇත්තේ නින්දිත සැලකිල්ලක්‌මය. අපි තවත් ඉදිරියට ගියෙමු. අවසානයේ දෙහිවත්ත ගම මැද ඉදිකර තිබෙන ලස්‌සන පුංචි බුදු මැඳුරද පසු කරමින් දෙහිවත්තේ කතාව මුල සිට අගට දැන ගැනීමේ අදහස ඇතිව අප ළඟා වූයේ සිරි මණ්‌ඩලගිරි රජමහා විහාරස්‌ථානය වෙතටය.

වේලාව දැන් පස්‌වරු දෙකද පසුවී ගොසිනි. දැනෙන කුසගින්න ඇඟට ගෙන දෙන්නේ දැඩි විඩාවකි. මණ්‌ඩලගිරි රජමහා විහාරයේ විහාරාධිපති ශාස්‌ත්‍රවේදී පණ්‌ඩිත දෙහිවත්තේ ප්‍රේමරතන හිමියෝ අපේ පැමිණීම බලාපොරොත්තුවෙන් සංඝාවාසයේ ඉදිරිපසට වී සිටිති. උන්වහන්සේගේ ශිෂ්‍ය නීලපොළ ධම්මසේන හිමියන්ද පසෙක වේ.

රථයෙන් බැසගත් අපි උන්වහන්සේලා වෙත ගොස්‌ දෙපා නමැද ආශිර්වාද ලබා ගත්තෙමු. “මහත්තයලට දැන් හුඟක්‌ බඩගිනි ඇති. අපි බත් ටිකක්‌ කාලම කතා කරමු..” උන්වහන්සේලා වෙත ගිය මොහොතේම අපේ විඩාව සැණෙකින් වටහා ගත් විහාරාධිපති හිමියන් ඒ ආරාධනාව අපට කරනු ලැබුවේ ඉතා කාරුණික ලෙසිනි.

උන්වහන්සේගේ ඒ ආරාධනාවට අනුව අපි විහාරයේ දානය ගැනීමට වූ කුඩා ශාලාව වෙත ගියෙමු. සැබවින්ම රාජමහා විහාරයක්‌ වුව දෙහිවත්ත මණ්‌ඩලගිරි විහාරය යනු බොහෝ සැපපහසුකම් ඇති තැනක්‌ නොවේ. එහි වෙසෙන විහාරාධිපති හිමියන් ඇතුළු භික්‍ෂූන් ගෙවන්නා වූ අල්පේච්ඡ දිවිය වටහා ගැනීමට විහාරස්‌ථානයේ ඇති සංඝාවාසය හා කුඩා දානශාලාව දැකීම පමණක්‌ ප්‍රමාණවත් වන්නේ යෑයි මට සිතේ.

දාන ශාලාවේ වූ මේසයක්‌ මත අපේ දිවා ආහාරය පිළියෙළ වී තිබේ. ඒ විහාරාධිපති හිමියන්ගේ ඥති පුත්‍රයකු වූ සංජීව, බන්දු අයියා ප්‍රමුඛ පිරිසකගේ සහායෙනි. ඉතින් අපි රස පිරුණු ඒ අහරින් හොඳ හැටි කුස පුරවා ගතිමු. එය අවසන යළි සංඝාවාසය වෙත ගොස්‌ විහාරාධිපති හිමියන් හා උන් වහන්සේගේ ශිෂ්‍ය හිමියන් මුණ ගැසුණෙමු. අපේ පැමිණීමත් සමඟ නායක හිමියන් අද නැගෙනහිර බිමේ ඇති දෙහිවත්ත ගම්මානයට සිදුව තිබෙන වින්නැහියිය වචන කරන්නට විය.

“මහත්තයෝ මේ ගමේ ඉන්න අපි හැමෝම යුද්දෙන් බැට කාපු මිනිස්‌සු. එදා එල්ටීටීඊ එක අපිව හෙම්බත් කරලා මේ ගම්බිම් යටකරගෙන හිටියා. ඒත් මේ ගමේ මිනිස්‌සු ගම දාලා ගියේ නැහැ. දැන් එල්ටීටීඊ එක අහවරයි. ඒත් මුස්‌ලිම් ව්‍යාප්තවාදයයි, දෙමළ ජාතික සන්ධානයයි අද ගම ආක්‍රමණය කරන්න පටන් අරගෙන.

මේ සේරුවිල ප්‍රාදේශීය ලේකම් කොට්‌ඨාසයට අතීතයේ තිබුණ මායිම් අද නැහැ.. 1948 හිටපු උමා මහේෂ්වරන් කියලා දෙමළ රජයේ නිලධාරියෙක්‌ සකස්‌ කරපු මායිම් සිතියමක්‌ දිසාපති කාර්යාලයේ තිබුණා. ඒකත් අන්තරස්‌දාන වෙලා. මේ වෙනකොට කොටින්ගෙන් බැට කාපු මහෛa ඉන්න සිංහල ජනතාවට ඉතුරු වෙලා තියෙන්නේ වර්ග කිලෝමීටර් දහයක විතර භූමියක්‌.

අනිත් හැම බිම් අඟලක්‌ම මුස්‌ලිම්වරුනුයි, දෙමළ ජාතික සන්ධානයේ බෙදුම්වාදය මගිනුයි අල්ලගෙන ඉන්නේ. එදා මුතූර,¨ තංගවේලි, පච්චනූර් ගම් සීමාවේ තිබුණ සිංහල ගම්මානවල සීමාව අද දෙහිවත්ත පන්සල ළඟටම අරගෙන ඇවිත්. මෙහේ ඉන්න ආසන සංවිධායක එන්.කේ.ඩී.එස්‌. ගුණවර්ධන උන්නැහැ දන්නේ නැහැ මේ සීමා මායිම්වල හතර කොනවත්. රජයේ නිලධාරින් දන්නෙත් නැහැ. සමහරු ජාතිවාදය නිසා දන්නේ නැහැ වගේ ඉන්නවා.

මම මේ කියන්නේ අවුරුදු හතළිහක ඉතිහාසයක්‌. එල්ටීටීඊය කාලේ ලිංගපුරම්වල හිටපු කොටි නායක තවන් මාස්‌ටර් 1999 දී කල්ලාර් හමුදා කඳවුරේ මේජර් මීගහකුඹුර ඇතුළු පිරිසක්‌ එල්ල කරපු ප්‍රහාරයකින් වෙඩි කාල මැරුණේ දෙහිවත්ත සීමාවේ තිබෙන බමුණුවිල වෙල්යාය සමීපයේදී. ඒ ස්‌ථානය පුරාවිද්‍යාත්මක උරුමයක්‌ ඇති බිමක්‌.

නමුත් අද කාංගවේලි ගමේ දෙමළ මිනිස්‌සු ඇවිත් එතන කෝවිලක්‌ හදනවා. තවන් මාස්‌ටර් සිහිවෙන්නයි ඒ කෝවිල හදන්නේ. ඒක පුරාවිද්‍යා රක්‍ෂිතය. ඒත් නවත්තන්න කවුරුත් නැහැ. අද මෙහේ ඉන්න දිසාපතිත් ඒකට උදව් දෙනවා. දිසාපති මහ රෑට ට්‍රැක්‌ටර්වල නැගලා දෙමළ මිනිස්‌සු එක්‌ක ඇවිත් කෝවිලේ වැඩ හොයලා බලනවා. දිසාපති ඉන්නෙත් ටීඑන්ඒ එකයි මුස්‌ලිම් අන්තවාදය සමගයි. ඒකට හේතුව එයාගේ පෞද්ගලික සම්බන්ධකමක්‌..”

එක දිගට අපට ඒ කතාව කී විහාරාධිපති හිමියන් මඳ අස්‌වැසිල්ලක්‌ ලබද්දීම උන්වහන්සේගේ ශිෂ්‍ය නීලපොළ ධම්මසේන හිමියෝද සිය අදහස්‌ දක්‌වන්නට වූහ.

“මහත්තයෝ.. අද මේ ප්‍රදේශයේ ගමනාගමනය පවා මුස්‌ලිම්කරණය වෙලා. උදේට මුතූර් ඉඳන් දෙහිවත්ත හරහා කොළඹ යන බස්‌ එක හවසට මුතූර්වලට එන්නේ කින්නියා හරහා ගිහින්. කොළඹ ඉඳන් මේ ගම්වලට එන සිංහල මිනිස්‌සු කන්තලෙන් බැහැලා වෙන බස්‌ එකක එන්න ඕනේ. තනිකරම ජාතිවාදය සමඟ ඉන්න මුස්‌ලිම් රාජ්‍ය නිලධාරි මාµsයාවක්‌ මෙහේ ක්‍රියාත්මක වෙනවා.

ත්‍රිකුණාමල දිස්‌ත්‍රික්‌කයේ සිංහල පාසල් එකකටවත් වර්තමානයේ විද්‍යා, ගණිත ගුරුවරු නැහැ. ගුරුවරයෙක්‌ එන්න හැදුවොත් රාජ්‍ය නිලධාරි මාµsයාව ඒක වලක්‌වනවා. එල්ටීටීඊයේ ආරම්භයේ ඉඳන් වසර 30 ක්‌ පුරා මේ ප්‍රදේශවලින් එකම එක සිංහල වෛද්‍යවරයෙක්‌වත්, ඉංජිනේරුවෙක්‌වත් බිහි වෙලා නැහැ. හැබැයි මුස්‌ලිම් පාසල්වලට හැම පහසුකමක්‌ම තියෙනවා.

මේ ගමේ ඉන්නේ 1954 පදිංචි කෙරුණු මිනිස්‌සු. ඒත් අදටත් ගමට වතුර නැහැ. මංමාවත් නැහැ. ජනතාවට කුඹුරු ටික කර ගන්න විදිහක්‌ නැහැ. ඒවයේ සීමා මායිම් වෙනස්‌ කරලා මුස්‌ලිම් සහ දෙමළ අයට කුඹුරු පවරන්න හදනවා. අලුතින් සිංහල මිනිහෙක්‌ට පදිංචි වෙන්න බිම් අඟලක්‌ ලැබෙන්නේ නැහැ. නව ජනපදයක්‌ ඇති කරන්න අවස්‌ථාවක්‌ කොහෙත්ම නැහැ. හැබැයි මුස්‌ලිම් ව්‍යාප්තිය නම් දිගින් දිගටම සිද්ධ වෙනවා. ඒ හැම එකක්‌ පිටිපස්‌සේම ඉන්නේ අද නැගෙනහිර ක්‍රියාත්මක මුස්‌ලිම් රාජ්‍ය නිලධාරි මාµsයාව.

ඔවුන්ට අවශ්‍ය නැගෙනහිර සිංහල ගම්මාන සියල්ල අකර්මන්‍ය කරලා ජනව්‍යාප්තිය තුළින් ඔවුන්ගේම කියන කලාපයක සිහිනය දකින්න. කොටි ත්‍රස්‌තවාදීන් මාවිල්ආරු සොරොව්ව වහලා අවසන් සටන ආරම්භ කළෙත් දෙහිවත්තෙන්. ඒත් අදටත් දෙහිවත්ත ගම එතනමයි. යුද්ධය නිසා බැටට කාපු සිංහල පවුල් අදටත් අසරණයි. ඔවුන් මුස්‌ලිම් දෙමළ කියන ආක්‍රමණ දෙකක ගොදුරු බවට අද පත් වෙලා.

උන්වහන්සේලා සමග කෙරුණු කතාබහෙන් අනතුරුව අපි අද දෙහිවත්ත ඇතුළු අවට සිංහල ගම්මානවලට සිදු වී තිබෙන අසාධාරණය මෙන්ම එහි සිදුවන මුස්‌ලිම් ව්‍යාප්තිය සහ දෙමළ බලහත්කාර පිළිබඳව සොයා බැලීමේ අරමුණින් ඒ ප්‍රදේශය පුරා ඇවිද ගියෙමු. කතා කරන්නට දෙයක්‌ නැත සියල්ල ඉතාම සැලසුම් සහගතය.

නායක හිමියන් කී ලෙසම ඓතිහාසික බෞද්ධ උරුමයකට නෑකම් කියන බමුණුවිල පුරාවිද්‍යා රක්‍ෂිතය තුළ ත්‍රස්‌තවාදියකු සිහි කිරීම සඳහා කෝවිලක්‌ ඉදිකෙරෙමින් තිබෙනුයේ විශ්මිත ලෙසිනි. එසේම මූලධර්මවාදී මුස්‌ලිම්කරණයට අනුව සීමා මායිම් වෙනස්‌ කෙරෙද්දී දෙහිවත්ත හා නීලපොළ ආදී සිංහල ගම්මානවල ජීවත් වන ගොවියන්ට අයත් බමුණුවිල වෙල් යාය දෙමළ ආක්‍රමණයකට ගොදුරු වී ඇත්තේද එගම් වැසියන් අසරණ කරමිනි.

මේ සියල්ල දැසින් දැක ගැනීමෙන් පසු අපි දෙහිවත්ත ගම්මානයෙන් සමු ගෙන යළි පිටත්ව ආවෙමු. අපේ ගමන් සගයා සිය වේග රිද්මයේ රිය ධාවනය ආරම්භ කර තිබේ. ඒ ඔහුගේ හැටිය. ඔහුට හයියෙන් යන්නට අධීවේගී මාර්ග අවශ්‍ය නැති සේය.

ඒ එන අතරමඟදීද හේ තවත් විශ්මිත කතාවක්‌ මට කියන්නට වූයේ අද නැගෙනහිර බිම පුරා පැතිර ඇති මුස්‌ලිම් මූලධර්මවාදය සන්නද්ධ අරගලයකට සැරසෙන අතරේ උපක්‍රමශීලී ලෙස ගමන යමින් සිටින ආකාරය පිළිබඳවද පැහැදිලි කරමිනි.

“අයියේ.. ඔයා දන්නවද මේ සියලු දේ එක්‌ක අද නැගෙනහිර ක්‍රියාත්මක මුස්‌ලිම් මූලධර්මවාදය මගින් කරන්න යන තවත් වැඩක්‌. මේ වෙනකොට මුතූර්, වෙරුගල් සහ කින්නියා සීමාවේ තියෙන ඉන්ධන පිරවුම්හල් රැසක අයිතිය තමන් සතු කර ගන්න මුස්‌ලිම් මූලධර්මවාදීන් ක්‍රියාත්මක වෙනවා.. එහිදී ඔවුන්ගේ අරමුණ වෙලා තියෙන්නේ අරාබියෙන් Rජු ආධාර ලෙස ලැබෙන ඉන්ධන නැගෙනහිරට ගෙනල්ලා මුස්‌ලිම් ජනතාවට ඉතා අඩු මුදලකට ඉන්ධන දෙන අතරේ අනෙකුත් ජාතීන්ට වෙළෙඳ පොළ වටිනාකමට අලෙවි කරන්න.

පල්ලිය මූලික වෙලා තමයි මේ ඉන්ධන හල් ගන්න යන්නේ. ඒ වගේම අද නැගෙනහිර ක්‍රියාත්මක ආරාබි බැංකු මුස්‌ලිම් ජනතාවට පොලී රහිතව ණය දීම, අධාර දීම වගේ දේවලුත් කරගෙන යනවා. මේ සියලු දෙයින්ම ඔවුන් බලාපොරොත්තු වෙන්නේ මූලධර්මවාදය තුළින් තමන්ගේ කලාපයක්‌ බිහි කිරීමේදී මුස්‌ලිම් ජනතාව ශක්‌තිමත්ව තබා ගැනීම..”

ඔහු ඒ කතාවද කියා නිම කළේය. සැබවින්ම අද නැගෙනහිර පැතිරෙමින් තිබෙන මුස්‌ලිම් මූලධර්මවාදයේ ගිනි පුළිඟු පිළිබඳ කියන්නට තවත් දේ අවශ්‍ය නැත. සියල්ල ඉතාම සූක්‍ෂම ලෙස ක්‍රියාත්මක වෙමින් තිබෙන්නේ එසේය.

ඉස්‌ලාම් දහමට අනුව එය අදහන ජන කණ්‌ඩායම හැඳින්වෙන්නේ “උම්මා” යන නාමයෙනි. මක්‌කම ඉපදී ඊට සැතපුම් ගණනාවක්‌ දුරින් පිහිටි මදීනාවේදී ඉස්‌ලාමය ඇරඹූ මහම්මත්තුමා උම්මාව තමන්ගේ ආරක්‍ෂාව අරබයා රුධිරයෙන් වගකිවයුතු බවද කියා සිටියේය.

ඇසට ඇසක්‌, දතට දතක්‌, ලෙයට ලෙය සහ ජීවිතයට ජීවිතයක්‌ යන්න එහිදී මහම්මත්තුමන්ගේ දේශනය විය. එපමණකින් නොනැවතුනු එතුමන් උම්මාවේ රැකවරණය සඳහා යුද්ධය හෝ තෝරා ගතයුතු බවද කියා සිටි අතර ඉස්‌ලාමය නොඅදහන්නන්ද ඊට එක්‌ කර ගනිමින් හැකිතාක්‌ එය ව්‍යාප්ත කළ යුතු යෑයිද කියා සිටියේය.

මහම්මත්තුමන්ගේ එකී දේශනයේ පරිදිම අද නැගෙනහිර බිමේද සිදු වෙමින් තිබෙන්නේ එකී ඉස්‌ලාම් මූලධර්මවාදයේ ව්‍යාප්තවාදයම ය. ඇසට ඇසක්‌, දතට දතක්‌, ජීවිතයට ජීවිතයක්‌ යන්න මත සිට ගැනීමට දැන් නැගෙනහිර උම්මාව සූදානම්ය. ඉතින් මේ හමුවේ අපි කළ යුත්තේ කුමක්‌ද? නැගෙනහිර මුස්‌ලිම් ව්‍යාප්තවාදයේ කොටස්‌කරුවන් වෙමින් මහම්මත් දේශනයේ පරිදි “අල්ලාහු අබුබකර්” කියා හඬ නැගීමද?

මේ මොහොතේ බලය හමුවේ තෙල බෙදන එකමුතුවේ සියලු පාර්ශ්ව වෙතින් අවසන් වශයෙන් අපට අසන්නට ඇත්තේ ඒ ටිකය.

  • ද්‍රවිඩ ජනතාව මැතිවරණ වර්ජනය කළහොත් එය සතුරාට වාසියක්‌ වෙනවා – තමිල් අරසුකච්චි නායක මාවයි සේනාධිරාජා
  • උතුරේ ජනතාව රටේ පාලනය වෙනස්‌වීම ගැන දැඩි ඕනෑකමින් බලා සිටිනවා – පත්කළ මන්ත්‍රී රජීව් විඡේසිංහ
  • රජය පෙරලීමේ අවස්‌ථාව එන්.ජී.ඕ. ජාලයට ලැබී ඇතැයි ප්‍රකාශ වේ
  • ද්‍රවිඩයන්ගේ අරමුණු කෙරේ සානුකම්පිතව බලන ජනාධිපතිවරයකු අවශ්‍ය බව මන්නාරම් රදගුරු රායප්පු ජෝශප් නත්තල් දේව මෙහෙයේදී පවසයි
  • ඇමරිකාව ශ්‍රී ලංකාවේ පාලනය වෙනස්‌ වීමක්‌ අපේක්‍ෂා කරනවා – බ්‍රිතාන්‍ය පිනැන්ෂියල් ටයිම්ස්‌
  • කොටි හිතවාදී ජුඩ්ලාල් ප්‍රනාන්දු සහ මහාචාර්ය පෝල් නිව්මන් රජය පෙරලා දැමිය යුතුබව කියාසිටී
  • ප්‍රභාකරන් පැරදවූ රජය පරදවන බවට ප්‍රංශ කොටිජාලය නගන හඬට එරෙහිව ප්‍රංශයේ ජනහමුවක්‌ අද පැවැත්වේ.
  • රජය පරාජය කරනු- කැනඩා කොටි හිතවාදී මන්ත්‍රීනි රාධිකා සීතා සබේයිෂන්

    2009 නොවැම්බර් 6 දා මෙරට ඇමරිකානු තානාපතිනි පැට්‌රිෂියා බුටේනිස්‌ රහසිගතයි යනුවෙන් දක්‌වමින් ඇමරිකානු රාජ්‍ය දෙපාර්තමේන්තුව වෙත සංදේශයක්‌ යවමින් මුස්‌ලිම් කොන්ග්‍රසයේ ක්‍රමෝපාය රාජපක්‍ෂ පාලනය පරාජය කිරීම යයි කියාසිටියාය.

    MUSLIM Congress strategy to defete Rajapaksa මුස්‌ලිම් කොන්ග්‍රසයේ සභාපති බෂිර් සේගු ඩාවුඩ් සමඟ සාකච්ඡාවක්‌ පැවැත්වූ බවත් ජනාධිපතිගේ යුද ජයග්‍රහණය නැමැති ප්‍රචාරක මෙහෙයුම කෙරෙහි ජනතාව දුෂ්කරතාවයකට පත්වී ඇති අතර වත්මන් රජය මුස්‌ලිම් සහ ද්‍රවිඩ ජනතාව අතර අප්‍රසාදයට පත්ව ඇති බව ඩාවුඩ් පැවසූ බවද ඇය එම රහස්‌ සංදේශයේ තවදුරටත් සඳහන් කළාය.

    එසේම මුස්‌ලිම් සහ ද්‍රවිඩ ජනතාව ඒකාබද්ධව ඡන්ද මිලියන 1.5 ක්‌ තිබෙන අතර එකී ඡන්ද මත විපක්‍ෂ සන්ධානය සාර්ථකවන බවද බෂිර් සේගු වාඩුඩ් ප්‍රකාශ කර ඇත.

    මඩකලපුව දිස්‌ත්‍රික්‌කයෙන් ඡන්ද 11676 ක්‌ ලබාගෙන මන්ත්‍රීවරයකු ලෙස පත්වූ බෂිර් සේගු ඩාවුඩ් සමඟ රහස්‌ සාකච්ඡාවක්‌ පැවැත්වීම සඳහා එවකට කොළඹ ඇමරිකානු තානාපති කාර්යාලයේ නියෝජ්‍ය දූත මණ්‌ඩල ප්‍රධානි වැලරි පවුලර්ද සහභාගිවී ඇත. එහෙත් රජයට ඩාවුඩ් සහ ඇමරිකානු තානාපති නිලධාරිනියන් අතර වූ රහස්‌ සාකච්ඡාවේ තොරතුරු හෙළිවූයේ නැත.

    එහෙත් 2013 මාර්තු 12 දා විකිලික්‌ස්‌ වෙබ් අඩවිය එකී රහස්‌ සාකච්ඡාව ආනාවරණය කළේය.

    මේ සාකච්ඡාවට අදාල සංදේශයේ මෙලෙස සඳහන් කර ඇත. “ඇමරිකානු තානාපති කාර්යාලයේ දේශපාලන කටයුතු නිලධාරිනී වැලරි පවුලර් සමඟ ශ්‍රී ලංකා මුස්‌ලිම් කොන්ග්‍රස්‌ සභාපති බෂිර් සේගු ඩාවුඩ් සාකච්ඡාවට ලක්‌කළේ ඉදිරි මැතිවරණයේදී ජනාධිපති රාජපක්‍ෂ පරාජය කිරීමේ පක්‍ෂයේ ක්‍රමවේදයයි. මේ ජයග්‍රහණය සඳහා ද්‍රවිඩ ඩයස්‌පෝරා නියෝජිතයන්ගේ සහයද අවශ්‍ය වේ. ද්‍රවිඩයන් සමඟ කටයුතු කරන දේශීය ඩයස්‌පෝරා නියෝජිතයන් මෙන්ම විදෙස්‌ගත ද්‍රවිඩ ඩයස්‌පෝරා ප්‍රජාව සමග කටයුතු කරන පාර්ශවවලද සහය අවශ්‍යයි.

    නොවැම්බර් 12 සහ 13 යන දිනවල ද්‍රවිඩ ඩයස්‌පෝරාව ලන්ඩනයේදී සමුළුවක්‌ පවත්වන අතර ඊට මුස්‌ලිම් කොන්ග්‍රස්‌ නායක රවුෆ් හකීම් ආර්. සම්බන්දන් සහ මනෝ ගනේෂන්ද සහභාගි වී ඇත.

    මැතිවරණ දිනීමට නම් ද්‍රවිඩ ඩයස්‌පෝරාවේ සහය අවශ්‍ය වනු නියතය.”

    මුස්‌ලිම් කොන්ග්‍රසය ඇමරිකානු තානාපති නිලධාරිනියත් සමඟ රහස්‌ සාකච්ඡා පවත්වමින් එදා සිදුකල ද්‍රෝහික්‍රියාව රජය අවබෝධකර ගත්තේ නැත.

    මේ පසුබිම මැද පසුගිය නොවැම්බර් මස මුස්‌ලිම් කොන්ග්‍රසයේ පත්කල මන්ත්‍රී හසන් අලි නැමැත්තා පැවසුවේ දිගාමඩුල්ල ප්‍රදේශයේ ආසන තුනක්‌ ඒකාබද්ධ කර වෙනම මුස්‌ලිම් පරිපාලන ඒකකයක්‌ ස්‌ථාපිත කළ යුතු බවයි. එහෙත් රජය එම ඉල්ලීම ප්‍රතික්‍ෂේප කරනු ලැබීය. එසේ වුවත් ජනාධිපතිවරණය සමීපව තිබියදී මුස්‌ලිම් කොන්ග්‍රස්‌ නායක රවුෆ් හකීම් එකී ඉල්ලීම යළි ඉදිරිපත් කරමින් එකී වෙනම පරිපාලන දිස්‌ත්‍රික්‌කයට මුස්‌ලිම් දිසාපතිවරයකුද අවශ්‍ය බව කියාසිටියේය.

    ඉන් ඔහු කියන්නේ වර්ග කිලෝමීටර් 46436 කින් යුත් ශ්‍රී ලංකාවේ වර්ග කිලෝමීටර් 9996 ප්‍රදේශය මුස්‌ලිම් රාජ්‍යයක්‌ බවට පත්කළ යුතු බවයි.

    මෙම මුස්‌ලිම් පරිපාලන ඒකකය නැමැති යෝජනාවට සමගාමීව පසුගියදා මුස්‌ලිම් කොන්ග්‍රස්‌ මන්ත්‍රීවරයක්‌ “ෂරියා” නීතිය ඉගැන්වීමට පාසල් පිහිටුවිය යුතු බව දක්‌වමින් පුද්ගලික යෝජනාවක්‌ පාර්ලිමේන්තුව වෙත ඉදිරිපත් කර තිබුණි.

    එසේම ජිනීවා මානව හිමිකම් කමිටුව වෙත ශ්‍රී ලංකාවට එරෙහිව වාර්තාවක්‌ යෑවීමට ක්‍රියාකළේද මුස්‌ලිම් කොන්ග්‍රසයයි. එම වාර්තාව යවනු ලැබුවේ රවුෆ් හකීම් අධිකරණ ඇමැතිලෙස කටයුතු කරමින් සිටි සමයේයි.

    2002 වසරේ තායිලන්තයේ පැවැති සාම සාකච්ඡාවලට සහභාගිවූ රවුෆ් හකීම් පැවැසුවේ තමා මේ අවස්‌ථාවේ නැගෙනහිර ප්‍රදේශය සඳහා වෙනම පරිපාලන ඒකකයක්‌ ඉල්ලන්නේ නැතිබවයි. හකීම්ගේ මේ ප්‍රකාශය ගැන ශ්‍රී ලංකා මුස්‌ලිම් අයිතීන් සඳහා වූ සංවිධානයේ සභාපති එච්.අයි.එම්. මොහිදීන් නැමැත්තා ප්‍රතිචාර දක්‌වමින් ස්‌වයංපාලනය සඳහා අපට හිමිකමක්‌ ඇති බවත් නැගෙනහිර යනු මුස්‌ලිම් පාරම්පරික නිජබිම බවත් සඳහන් කරනු ලැබීය.

    මේ අයුරින්ම මුස්‌ලිම් කොංග්‍රසය පසුගිය ජනාධිපතිවරණයේදී මුස්‌ලිම් රූපවාහිනී සහ ගුවන් විදුලි සේවාවන් ආරම්භ කිරීම සඳහා කළ ඉල්ලීමද ජනාධිපතිවරයා ප්‍රතික්‍ෂේප කළේය. කොටි ධජය මත ප්‍රභාකරන් සමඟ ගිවිසුමක්‌ අත්සන් කළ රවුප් පසුගිය නොවැම්බර් 3 දා වෙනම පරිපාලන ඒකකයක්‌ ඉල්ලීමේ යෝජනාව ප්‍රකාශයට පත්කළත් රජයේ බලධාරීහු මේ අවස්‌ථාවාදීන්ගේ සැබෑ අරමුණ තේරුම් ගත්තේ නැත.

    2009 නොවැම්බර් 06 දා ඇමරිකානු තානාපතිනි පැට්‌රිෂියා බ්‍රටේනිස්‌ සහ දේශපාලන නිලධාරිනි වැලරි පවුලර් හමුවේ මුස්‌ලිම් කොංග්‍රස්‌ සභාපති බෂිර් සේගු වාවුඩ් රාජපක්‍ෂ පාලනය පරාජය කිරීමේ ක්‍රමවේදය හෙළිකරද්දී එම වසරේම නොවැම්බර් 19 සිට 22 දක්‌වා කාලය තුළ දෙමළ හා මුස්‌ලිම් පක්‍ෂ අතර ස්‌විට්‌සර්ලන්තයේ සුරිච් නුවරදී සාකච්ඡාවක්‌ පැවැත්වුණි. මෙම සාකච්ඡාවට මුස්‌ලිම් කොන්ග්‍රස්‌ නායක රවුෆ් හකීම්ද සහභාගි විය. මෙහිදී ජනාධිපතිවරයා මීළඟ මැතිවරණයෙන් පරාජය කිරීම ගැන සාකච්ඡාවට ලක්‌වූ බව ඉරිදා දිවයින ආරක්‍ෂක විශේෂාංගයෙන් හෙලිකළවිට කලබලයට පත්වූ මුස්‌ලිම් මාධ්‍ය පාර්ශවයන් එවැන්නක්‌ සාකච්ඡා නොවූ බව කියමින් සිද්ධිය යටපත් කිරීමට උත්සාහ කළේය.

    මේ පසුබිම යටතේ තමිල් අරසු කච්චි පක්‍ෂයේ නායක මාවයි සේනාධිරාජා සතුරා යයි අනියම් ලෙස හඳුන්වන්නේ කොටි පැරදවූ රජය හා ජනාධිපතිවරයායි.

    මාවයි සේනාධිරාජාගේ සහයට ද්‍රවිඩ එක්‌සත් විමුක්‌ති පෙරමුණේ නායක පී. ආනන්ද සංගරීද එක්‌වී ඇත. කොටි ත්‍රස්‌තවාදීන්ගෙන් ආනන්ද සංගරීගේ දිවි බේරාගත්තේද මෙරට හමුදාව ආරක්‍ෂක ලේකම් සහ ජනාධිපතිවරයායි.

    මෙලෙස සතුරා පැරදවීමට ඡන්දය පාවිච්චි කරන්නැයි උතුරේ නිවසක්‌ පාසා යැමට සැලසුම් කර ඇති මාවයි සේනාධිරාජා ප්‍රමුඛ ද්‍රවිඩ සන්ධානයේ ඉලක්‌කය කුමක්‌ද?

    ඒ කිලෝමීටර් 8884 ක්‌වූ උතුරු ප්‍රදේශයේ වෙනම රටක්‌ ලබාගැනීමයි. මෙහිදී ද්‍රවිඩ සන්ධාන නායක ආර්සම්බන්ධන් පවසා ඇත්තේ උතුරේ අර්බුදයට දේශපාලනමය විසදුමක්‌ ලබාගැනීමට හැකිවන බවයි. මේ නිසා මෙවර ජනාධිපතිවරණය බෙදුම්වාදින්ගේ ඉලක්‌කයන් බවට පත්වී ඇත.

    මාවයි සේනාධිරාජාට කිලෝමීර් 6884 ක්‌ද රවුෆ් හකීම්ට කිලෝමීටර් 9996 ක්‌ දුන්නොත් ශ්‍රී ලංකාවෙන් කිලෝමීටර 17174 ක භූමි ප්‍රදේශය අහිමිවනු නියතය.

    මේ භයානක තත්ත්වය මෙරට ජනතාව අවබෝධකරගෙන තිබේද? මුස්‌ලිම් කොන්ග්‍රස්‌ නායක රවුෆ් හකීම් රජයට ඉදිරිපත් කළ සන්දේශයේ තවදුරටත් දක්‌වා ඇත්තේ තමාට විදේශ බලපෑම් එල්ලවී ඇති බවයි.

    එසේ නම් ජාත්‍යන්තර බලපෑම් ඉලක්‌කය සර්බියාවෙන් කොසවෝ ප්‍රාන්තය වෙන්කළ අයුරින් උතුරු නැගෙනහිර වෙන්කිරීමටද?

    මෙම තත්ත්වය මැද කොටි හිතවාදී ලන්ඩනයේ ගෝලීය ද්‍රවිඩ සංසදයේ නායක එමානුවෙල් දේවගැතියා කළ ප්‍රකාශයක්‌ යුරෝපා කොටි වෙබ් අඩවියේ සඳහන් වී ඇත.

    එහි මෙසේ දක්‌වා තිබේ.

    අවස්‌ථාව උදාවී ඇත. උතුරේ ද්‍රවිඩ ජනතාව පරීක්‍ෂාකාරී ලෙස ඡන්දය පාවිච්චි කළ යුතුයි. මේ අවස්‌ථාව දැනට පැමිණ තිබෙනවා. දැනට පවතින මාර්ගය මත යන්නේද නැත්නම් වෙනසක්‌ සිදුවිය යුතුද යන්න තේරුම් ගතයුතු කරුණක්‌ වනු ඇත.

    මේ අතර ප්‍රභාකරන්ගේ සමීපතම ඥතියකුවූ උතුරු පළාත් සභා මන්ත්‍රී සිවාජිලිංගම් ද්‍රවිඩ ස්‌වයංපාලනය ලබාදෙන ජනාධිපති අපේක්‍ෂයකුට උතුරේ ජනතාව ඡන්දය දියයුතු බව දක්‌වා තිබේ.

    මෙකී වාතාවරණය මැද නැගෙනහිර ද්‍රවිඩ දේශපාලකයකු වූ ශාන් රාස මානික්‌කම් මුස්‌ලිම් කොන්ග්‍රසයේ වෙනම මුස්‌ලිම් පරිපාලන ඒකකය ඉදිරි බෙදුම්වාදී ආකල්පය වර්ධනය කිරීමේ භයානක අනතුරක්‌ යයි කියා සිටියේය. 2003 ඔලුවිල් ප්‍රකාශනය අපි අමතක නොකල යුතුයි. ඉන් නැගෙනහිර මුස්‌ලිම් ජනතාවට වෙනම ප්‍රාන්තයක්‌ ඉල්ලා සිටියා. එසේම ඔලුවිල්හි නාවික කඳවුරක්‌ ස්‌ථාපිත කිරීමටද මුස්‌ලිම් කොන්ග්‍රසය එරෙහිවුණා. යයි ඔහු තවදුරටත් කියා සිටියේය.

    රවුෆ් හකීම් ප්‍රමුඛ මුස්‌ලිම් කොංග්‍රසයේ මෙම බෙදුම්වාදී ඉල්ලීම බියකරු පූර්වාදර්ශයක්‌? මේ අන්දමට කොළඹ මාලිගාවත්ත, සැලමුල්ල, ගොතටුව දර්ගානගරය, තිහාරිය, බේරුවල, ගාල්ල, මුතුර් සහ පුත්තලම නගරවලට මුස්‌ලිම් කලාප ඉල්ලුවොත් ඇතිවන තත්ත්වය කුමක්‌ද? මෙරට ජනතාවට පොදු නීතිය තිබියදි ෂරියා නීතිය ඉගැන්වීමට මොවුන් යෝජනා ගෙනඑන්නේ කුමකටද යයි ශාන් රාසමානික්‌කම් පලකළේය. මේ අතර ශ්‍රී ලංකාවට එරෙහිව ක්‍රියාකරන එස්‌ සිවදාසන් නැමැත්තා මෙවර ජනාධිපතිවරණය රාවණා සහ රාමා අතර යුද්ධයට සමකර ඇත. ඔහු පවසන්නේ රාවණාගේ පාර්ශවයේ සිටි විභීෂණ එකවරම රාමාට එකතුවීම නිසා යුද්ධය පරාජය වූ බවයි.

    මෙවන් පසුබිමක්‌ මැද මන්නාරම රදගුරු රායප්පු ජෝශප් නත්තල් දේව මෙහෙය අමතමින් බරපතල ප්‍රකාශයක්‌ කළේය.

    “ද්‍රවිඩයන්ගේ අරමුණු කෙරේ” සානුකම්පිත සහයක්‌ දක්‌වන ජනාධිපතිවරයකු රටට අවශ්‍යයි. මේ අවස්‌ථාවේ ද්‍රවිඩයන් ද්‍රවිඩ අරමුණු ලබාගැනීම සඳහා තෝරාගැනීමක්‌ කළයුතුයි එක්‌සත්ව කටයුතු කර ද්‍රවිඩ අරමුණු ඉටුකරන බවට ලිතව ප්‍රතිඥදෙන පක්‍ෂයට ඡන්දය දෙන්න.

    මන්නාරම රදගුරු රායප්පු ජෝශප් මෙලෙස පවසද්දී ශ්‍රී ලංකා හමුදාව යුද අපරාධකරුවන් බවට ජර්මනියේ මහජන විනිශ්චය සභාව නැමැති රාජ්‍ය නොවන සංවිධාන ක්‍රියාකාරීන් ලවා ක්‍රියාකල අයර්ලන්තයේ සිටින ජුඩ්ලාල් ප්‍රනාන්දු නැමැති හිටපු දේවගැතිවරයාද ජනාධිපති පැරදවීමට ක්‍රියාකළ යුතුයයි ප්‍රකාශ කර ඇත.

    මෙයට සමගාමීව ඉන්දියාවේ බැංගලෝරයේ සිටින කොටි හිතවාදී මහාචාර්ය පෝල් නිව්මන් ප්‍රකාශයක්‌ කරමින් කොටි පැරදවූ රාජපක්‍ෂ පාලනය අතුගා දැමීමේ අවස්‌ථාව පැමිණ ඇති බවට දක්‌වා ඇත. මේ තත්තවය මත කොළඹ කින්සිපාරේ පිහිටි වාර්ගික අධ්‍යයන ආයතනයේ පැවැති සමුළුවක්‌ අමතා හිටිහැටියේ රාජ්‍ය නොවන සංවිධාන ක්‍ෂේත්‍රයට පැමිණි උදාන් ප්‍රනාන්දු නැමැත්තා මෙලෙස පවසා තිබේ.

    “රෙජීමය වෙනස්‌ කිරීම සඳහා දැඩිලෙස කටයුතු කිරීමට සිවිල් සංවිධානවලට දැන් අවස්‌ථාව උදාවී ඇත.

This is an Opportune Moment for civil Society groups to work hard towards a Regime change

මොහු මේ ප්‍රකාශයෙන් කියන්නේ බටහිර රටවල අරමුදල් මත යෑපෙන එන්.ජී.ඕ. ප්‍රධානීන් ඉතා කාර්යක්‍ෂම ලෙස කටයුතු කර රජය පෙරළා දැමිය යුතු බවයි.

එම ප්‍රකාශයට සමගාමීව ද්‍රවිඩ සන්ධාන මන්ත්‍රී සෙල්වම් අඩෙයිකලානාදන් පවසා ඇත්තේ ද්‍රවිඩයන්ගේ ඉල්ලීම් ගැන වසර 10 ක්‌ තිස්‌සේ රජයෙන් කළ ඉල්ලීම් නොලැබුණු නිසා ජනතාවට දැන් වෙනසක්‌ අවශ්‍යවී ඇති බවයි.

අඩෙයිකලානාදන් ඉල්ලීම් යයි පවසන්නේ උතුරු නැගෙනහිරට ස්‌වයං පාලනය ලබා ගැනීමයි. මේ නිසා ද්‍රවිඩ සන්ධානය පොදු අපේක්‍ෂකයාට සහය දක්‌වන්නේ කුමකටදැයි සනාථ නොවන්නේද?

මේ අතර බ්‍රිතාන්‍යයේ සුපිරි මූල්‍ය ජාලය මෙහෙයවන ෆිනෑන්සියල් ටයිම්ස්‌ පුවත්පත දෙසැම්බර් 22 දා පුවතක්‌ ප්‍රකාශයට පත් කරමින් බ්‍රිතාන්‍ය සහ ඇමරිකාව ජනාධිපතිවරණය ගැන දැඩි අවධානයෙන් සිටින බව හෙළිකළේය.

Financial Times Points to us Regime change Intrigue in Sri Lanka

ෆිනෑන්සියල් ටයිම්ස්‌ පුවත්පත තවදුරටත් දක්‌වා ඇත්තේ ශ්‍රී ලංකාවේ පාලනය වෙනස්‌ කිරීමේ ඇමරිකානු ක්‍රියාදාමයක්‌ ඇති බවයි.

මෙය සනාථ වූයේ කොළඹ ඇමරිකානු තානාපති කාර්යාලය පසුගිය කාලය මුළුල්ලේ දියත් කල මෙහෙයුම්ය.

මේ ඊට නිදසුන්ය.

1. යාපනයේ ඇමරිකන් කෝනර් නමින් මධ්‍යස්‌ථානයක්‌ ස්‌ථාපිත කිරීම

2. කොළඹ ඇමරිකානු තානාපති කාර්යාලය සමාජ වෙබ් අඩවි ක්‍රියාත්මක කිරීම පිණිස මෙරට විවිධ පාර්ශව වලට පුහුණුවක්‌ ලබාදීම

එදා අපි මේ ඇමරිකානු අබිරහස්‌ මෙහෙයුම් ගැන හෙළිකරද්දී රජයේ බලධාරීහු නිහඬ විය. අද එහි ප්‍රතිඵල දැකගැනීමට හැකිවී ඇත.

මේ අතර ප්‍රංශ කොටි ජාලය කොටින්ව පැරදවූ ජනාධිපති පරදවන බවට වහසිබස්‌ දොඩන බව හෙළිවිය. මේ නිසා ජනාධිපතිට සහය දැක්‌වීමේ ජනහමුවක්‌ අද (ජන.04) පැරිස්‌ නුවරදී පැවැත්වීමට ප්‍රංශ දේශප්‍රේමී කණ්‌ඩායම කටයුතු යොදා තිබේ.

Storyline:
Sri Lanka went through a two-decade long civil war that saw the country plunged into chaos. In 1996, a new Special Forces unit was formed to try and bring the conflict to an end. This top-secret group went on to play a huge role, operating deep behind enemy lines, gathering intelligence and eliminating key targets. Until now, no one has ever filmed this elite unit, and until the end of the war, the government kept their very existence under wraps. History Channel gets exclusive access behind the scenes and uncovers the training of Sri Lanka’s Long Range Patrol unit of the Special Forces Brigade. Selected from the very elite of the Special Forces unit, they embark on a grueling 6-month training program. It all starts with three weeks of relentless physical and psychological torture that will push them to their absolute limits and break all but the best.

About LRRP:
The Long Range Reconnaissance Patrol (LRRP) is a covert operation (black ops) unit of the Sri Lanka Army. This unit is also known as the Deep Penetration Unit (DPU) and as the Mahasohona Brigade (Mahasohona is a feared demon in Sinhalese folklore hence literally meaning Devils Brigade). LRRP units specialize in carrying out reconnaissance and sabotage and decapitating precision strikes deep inside enemy battle space.

Video Summery:
Selected from the very elite of the Special Forces Brigade, the recruits embark on a grueling 6-month training, starting with 3 weeks of physical and psychological torture that will break all but the best.

කන් බිහිරි කරන වෙඩි හ`ඩ දසත පැතිරෙමින් තිබිණිs. පිපිරෙන බෝම්බ හ`ඩින් පොළවත් දෙදරුවේය. රාත්‍රියම ගිනියම් වී තිබිණි. කොටි ත්‍රස්‌තවාදීන් විසින් පු`ඵකුනාව යුද හමුදා කඳවුරට රෑ පුරා දරුණු ප්‍රහාරයක්‌ එල්ල කරමින් සිටියේය. එදා කෙවිලියාමඩුව ගම්මානයේ ජනතාව පණ බේරා ගැනීම ස`දහා ජීවිතය පමණක්‌ රැගෙන සැ`ගව ගියහ. උපයා ගත් සබ්බ සකලමණාවම දමා පලා ගියහ.

කෙවිලියාමඩුව ගම පිහිටියේ මඩකලපුව දිස්‌ත්‍රික්‌කයේ පට්‌ටිපොළ ප්‍රාදේශීය ලේකම් කොට්‌ඨාසයේය. කොටි ත්‍රස්‌තයින් පරදා රටට නිදහස ලැබුණු පසු නැවතත් කෙවිලියාමඩුවේ ජනතාව තම උපන් ගම සොයා පැමිණියහ. ජාතිකාභිමානය රෙදි පල්ලෙන් බේරෙන ඇත්තන්ගේ ආණ්‌ඩුවක්‌ රට කරන මොහොතක මේ මිනිස්‌සුන්ගේ උපන් බිමේ අයිතිය තහවුරු වූයේ නැත. එහෙත් මේ මිනිස්‌සු පුංචි පැල් කොට අටවාගෙන අන්ත දුක්‌ වි`ඳිමින් මේ ගම්මානයේ ජීවත් වූහ.

උපන්බිමේ කල්ලතෝනියන් බවට පත්ව ඇති මේ අහිංසකයින් ගැන අපි දිගින් දිගටම ලියා තැබුවෙමු. නමුත් එකෙක්‌වත් එක වචනයක්‌ කතා කළේ නැත. ආශ්චර්යය නොඉල්ලූ මේ මිනිස්‌සු ඉල්ලුවේ තම ජාතික හැ`දුනුම් පතය. ඉල්ලුවේ තම පාරම්පරික උරුම බිමේ තම ලේ අයිතියය. යුද්ධය දිනූ රටක මඩකලපුවේ සිංහල මිනිස්‌සුන්ගේ ශෝකාන්තය යළිත් අපට ලියා තබන්නට සිද්ධවෙන්නේය. මේ ඒ තිරිසන් කතාවය.

කෙවිලියාමඩුවේ ධම්මිකා කුමාරි කතා කළාය.

අපි කෙවිලියාමඩුව ගම්මානයේ පදිංචියට විත් වසර ගණනාවක්‌ වෙනවා. තවම අපිට ජන්ද අයිතිය නැහැ. කලින් පදිංචි වෙලා ඉන්න තැන් වලින් අස්‌ වෙලා එන්න කීවා. අප එහෙම ආවට පස්‌සේ ග්‍රාමසේවක මහත්තයයි ප්‍රාදේශීය ලේකම්වරියයි අපිව ගණන් ගන්නේ නැහැ. අපිට වසර 08 කින් ජන්දය දාන්න බැරි වුනා. අපිට සමෘද්ධි සහනාධාරය නැහැ. රැකියාවකට යන්න ග්‍රාම සේවා සහතිකයක්‌ ලබා දෙන්නේ නැහැ. ආදායම් වාර්තාවක්‌ ලබා දෙන්නේ නැහැ. 2008 වසරේ ශිෂ්‍යත්වය සමත් අපේ ගමේ ළමයෙකුට ආදායම් වාර්තාව ලැබුණෙ 2014 දීයි. මඩකලපුව දිසාපති කාර්යාලයට ගිහින් උද්ඝෝෂණය කරලා තමයි ඒක ලබා ගත්තේ. මේ ආකාරයට අපි පදිංචි වුණ දා සිට තවමත් රජයෙන් ලැබෙන කිසිම දෙයක්‌ අපිට ලැබුණෙ නැහැ. අපි යුද්ධ කාලේ කොටින්ගෙන් බැට කෑවා . දැන් අපි මඩකලපුවේ සිංහලයින් වීම නිසා රජයේ නිලධාරින්ගෙන් පුදුම විදිsහට බැට කනවා.

මේ කෙවිලියාමඩුවේ වසන්ත ධර්මසිsරි කතා කළේය.

අපි පසුගිය 16 වෙනිදා මඩකලපුව දිසාපති කාර්යාලයට ගොස්‌ දිසාපතිතුමිය මුණ ගැසුණා. පස්‌සේ මඩකලපුව සහකාර මැතිවරණ කොමසාරිස්‌ මුණ ගැසිලා බලද්දි පවුල් 106 කින් මෙවර ජන්දය හිමිවෙලා තියෙන්නේ පවුල් 38ට පමණයි. අවුරුදු ගාණක සිට අපි කොච්චර මහන්සි උනත් කෑ ගැසුවත් අපේ ජන්ද අයිතිය පට්‌ටිපොළ ප්‍රාදේශීය ලේකම්වරිය උදුරාගෙන තිබෙනවා. මඩකලපුව දේශපාලන අධිකාරිය අපි ගැන කිසිම සොයා බැලිල්ලක්‌ කරන්නේ නැහැ. එම නිසා අපි අන්ත අසරණ වුණා. යුද්ධය දිනා දුන්න ජනාධිපතිතුමාට ජන්දය දෙන්නත් අපිට ජන්ද අයිතියක්‌ නැහැ. මඩකලපුව හාමුදුරුවෝ නැතිනම් අපිට මෙහමවත් ජීවත්වෙන්න විදිහක්‌ නැහැ.

ධර්මසිරිලාත් ධම්මිකා කුමාරිලාත් යුද්ධය දිනපු ජනාධිපති හමුවී මේ අපරාධය කියන්නට තීරණ කළේ ඒ නිසාය. පසුගිය 19 දා ජනාධිපතිවරයා මඩකලපුව ජන රැලියකට සහභාගි වීම සඳහා මඩකලපුවට පැමිණීමට නියමිතව තිබුණි. එම අවස්‌ථාවේ කෙවිලියාමඩුවේ ගම්වැසියෝද අත දරුවෝ වඩා ගෙන මඩකලපුව නගරයට ගියේ ජනාධිපතිට සිය දුක්‌ ගැනවිල්ල ඉදිරිපත් කරන්නටය.

යුද්ධය දිනා දුන් ජනාධිපතිතුමනි, ඔබට ඡන්දය දෙන්න අපිට ඉඩ දෙන්න, අපේ ඉඩම් අයිතිය අපිට ලබා දෙන්න, කෙවිලියාමඩුවේ අපි කල්ලතෝනිද?… කෙවිලියාමඩුවේ මිනිස්‌සු මඩකලපුව නගර මධ්‍යයේ සිට සිය වේදනාව පෝස්‌ටර් බැනර් වල ලියා ප්‍රදර්ශනය කළෝය. ඒ යුද්ධ දිනූ ජනාධිපතිට පෙනෙන්නටය.

මඩකලපුවේ විහාරස්‌ථානයේ අම්පිටියේ සුමනරතන හිමි ඇතු`ඵ භික්‌ෂූන් වහන්සේලා 25කට අධික ප්‍රමාණයක්‌ මෙම අසරණ දුප්පත් ජනතාවගේ වෙනුවෙන් විරෝධතාවයට එක්‌ව සිටියහ.

විරෝධතාවයේ වැඩි වශයෙන් සිටියේ වියපත් වූ මව්වරුය. ගැබිනි මාතාවෝ සහ අත දරුවන් වඩාගත් මව්වරුය. තරුණ පිරිස සිටියේ සිමිත පිරිසකි. මහ වැස්‌සේ තෙමෙමින් සීතලේ ගැහෙමින් තම අයිතිය වෙනුවෙන් මෙම ජනතාව මඩකලපුවෙ නගර මධ්‍යයේ සිට විරෝධතාවයේ නියලෙන්නට වුහ.

සවස 6ට ආසන්න වෙද්දි ජනාධිපතිවරයා එම රැස්‌වීම් භූමියට පැමිණෙන්නට විය. භික්‌ෂූන් වහන්සේලා පෙරටුකොටගත් කෙවිලියාමඩුවේ මිනිස්‌සු රැස්‌වීම් භුමිය වෙත ගියහ. වහා ක්‍රියාත්මක වුණ පොලිසිය සැනෙකින් මග හරස්‌ කළේය. එහිදීs ගම්වැසියන් කිහිප දෙනෙකුට සුමනරතන හිමියන්ට ජනාධිපතිතුමන් හමුවට යැමට ඉඩ ලබා දෙන ලදී.

මේ අතර මේ කණ්‌ඩායමේ පිටුපසින් පැමිණි අහිංසක මිනිසුන් පිරිසකට කාලකණ්‌ණි පොලිස්‌ කාරයින් පිරිසක්‌ නින්දිත ලෙස පහර දෙන්නට වූහ. නිල ඇ`දුම් සහිතව සිටි උන් මෙන්ම සිවිල් ඇඳුමෙන් සිටි පොලිසියේ බව පවසන පිරිසක්‌ද මැරයන්සේ පනිමින් මේ නිරායුධ මිනිසුන්ට පහර දුන්හ. බලපෑම් කළ හැකි වාර්ගික කොටස්‌ උද්ඝෝෂණය කරනවිට බැටන් පොල්ල දෙපැරන්දේ ගහගෙන සිටින නිවට පොලිසියේ චංඩිකම හවුහරණක්‌ නැති අසරණයන් පිටින් යන ආකාරය බලා සිටියේ වේදනාවෙනි.

මේ කාලකණ්‌ණි පොලිස්‌ මැරයන් අප ඇස්‌ ඉදිරිපිටම එක්‌ තරුණයෙකුට වට කොට පහර දෙන්නට වූහ. අනතුරුව අප දුටුවේ මේ ගෝත්‍රික ම්ලේච්ඡයන් ලංකා පොලිසියේ සම ගලවා දමන ආකාරයය. පොලිසිය දෙනෝදාහක්‌ ඉදිරි§පිට කෙවිලියාමඩුවේ අහිංසක මිනිසෙකුට නින්දිත ලෙස පහර දුන්නේය. අනතුරුව ඔහුගේ කලිසම සහ යට ඇඳුම ගලවා නිරුවත් කළේය. නිරුවතින් මහමග දිගේ ඇදගෙන ගියේය. මම ඒ තිරිසන් ජවනිකාව කැමරාවේ සටහන් කරගතිමි. මේ තිරිසන් පාදඩයන්ගේ මුහුණු මේ ඡායාරූපවල වේ. අපරාධකරුවෙකුට මිනී මරුවෙකුට වුවද මෙවැනි නින්දිත පහරදීමක්‌ කරන්නට පොලිසියට පුළුවන්කමක්‌ නැත. අප දකිමින් සිටියේ නිරුවත්කර විටෙක බිම දිගේ ඇදගෙන යන අසරණයෙකි. විටෙක දෑතින් දෙපයින් ඔසවා බිම හොවන නිරුවත් අසරණයෙකි. මේ අසරණයා මඩකලපු පොලිසිය වෙත දෙනෝදාහක්‌ ඉදිරියේ රැගෙන ගියේ නිරුවත් කරමිනි. මේ නින්දිත ම්ලේච්ඡකම වලක්‌වා පොලිස්‌ වැහි කබායකින් හා බැනරයකින් සෙළුව වසාගන්නට ඉඩ සලසා දුන්නේ එතැනට පැමිණි හිමිනමකි. උන්වහන්සේ ඒ ස`දහා අප්‍රමාණ පරිශ්‍රමයක යෙදුණහ. දෛවෝපගත සිදුවීම වූයේ ඒ අසරණයාට සෙළුව වසාගන්නට දී තිබුණේ ජනාධිපතිවරයාගේ බැනරයක්‌ වීමය.

මොහොතක්‌ ගතවෙද්දී පොලිසියේ තරු පැළදූ ලොක්‌කන්ගේ ඉහ මොළ රත් විය. යමු… අපි බෙහෙත් දාන්නම් යෑයි පවසමින් මෙම අය රැගෙන යැමට පොලිසිය උත්සාහ ගත්තේය. මිනිස්‌සු පොලිසියට දැඩි විරෝධයක්‌ පාමින් ඊට එරෙහි වූහ.

අනේ මහත්තයෝ මට ගහන්න එපා මට බබෙක්‌ ලැබෙන්නේ ඉන්නේ. මං කිව්වා. එහෙම කිව්වේ මාව පෙරළගෙන ගහද්දි. එතකොට එකෙක්‌ තොට බබෙක්‌ නෙවි ලැබෙන්නේ ඉන්නේ. තෝ බඩේ බෝම්බයක්‌ බැ`දගෙන තමයි ජනාධිපතිතුමා ළගට යන්න හදන්නේ කියලා මගේ බඩට ගැහුවා. අපි ආවේ ආණ්‌ඩුව පෙරළන්න නොවෙයි. ජනාධිපතිතුමාට ජන්දේ දෙන්න ජන්ද අයිතිය ලබාගන්න. කෙවිළියාමඩුවේ ගැබිනිs මාතාවක්‌ පවසා සිටියේ මව් කුසකින් බිහිවූයේ දැයි සැක සිතෙන තිරිසන් කාකි සුට්‌කාරයෙක්‌ගේ පහර කෑමක්‌ පිළිබඳවය.

මෙම පහර කෑමෙන් පස්‌මසැති ගැබිණි මාතාවක්‌ වන ප්‍රියදර්ශනී උදයමාලි, දොළොස්‌ හැවිරිදි සදීෂ දිදුලංග, සහ අසංක දිල්රුක්‌ කුමාර, ලලිත් ගුණවර්ධන මඩකලපුව ශික්‌ෂණ රෝහලට ඇතු`ඵ කර තිබුණි. නමුත් තමන්ගේ අපහසුතාවන් පවසා සිටිද්දී ඔයාලට දැන් අසනීපයක්‌ නැහැයි පවසමින් රෝහලේ උන් බලෙන් ටිකට්‌ කපා තිබුණි.

අපිට හරියට මඩකලපුව රෝහලෙන් ප්‍රතිකාර කළේ නැහැ. අපිට අමාරුයි කියද්දි අපේ එක්‌ස්‌රේ එකක්‌වත් ගත්තේ නැහැ. අපේ අතපය මු`ඵ ඇ`ගම රිදෙද්දි අපේ ටිකට්‌ කැපුවා. නමුත් අපි ගැහුවා කියලා පොලිසියෙ දෙන්නෙක්‌ නතර වුණා. ඒ දෙන්නාට හොඳට සැලකිලි දක්‌වල ප්‍රතිකාර කළා. අපිව බලෙන්ම ටිකට්‌ කැපුවේ අපි මඩකලපුවේ සිංහලයෝ නිසයි. අපිට දුක මේ සිංහල රටේ අපිට මෙහෙම වෙන එකයි යනුවෙන් ඔවුහු පවසා සිටියහ.

මඩකලපුව සිංහල ජනයා රැක ගැනීමට සැමදා අරගල කරන ඒ වෙනුවෙන් මඩකලපුව දිස්‌ත්‍රික්‌කයේ අධිකරණ වල නඩු 44ක්‌ වැටී තිබෙන මංගලාරාමවාසී අම්පිටියේ සුමනරතන හිමියන් මෙසේ සිය අදහස්‌ දක්‌වා සිටියහ.

පට්‌ටිපොල ප්‍රාදේශීය ලේකම් අද මඩකලපුව මහා දිසාපතිතුමිය කියන දේත් අහන්නේ නැහැ. රජයෙන් මෙම ජනතාවට අබ ඇටයක තරම් දෙයක්‌වත් දීsලා නැහැ. සමෘද්ධි සහනාධාරය තියා ග්‍රාම සේවා සහතිකයවත් අඩුම තරමේ ලංකාවේ පුරවැසියන්ට ලැබෙන ජාතික හැඳුනුම්පතවත් ලබා ගන්න මෙම පට්‌ටිපොළ ප්‍රාදේශීය ලේකම් ඇතු`ඵ අදාළ ග්‍රාම සේවා නිලධාරිsන් කටයුතු කරන්නේ නැහැ. මෙහෙම අසරණ වන්නේ යුද්ධය දිනාපු රටේ සිංහලයෝ නේද?

මේ නඩු නැති රටකි. ඒ රටේ පොලිසියට මීට වඩා යහපත් විදිහට හැසිරෙන්නට බැරිය. ජනාධිපතිවරයාට ඡන්දය දෙන්න හදනවිටත් මුන් මිනිස්‌සුන්ට නිරුවත් කර ගහන්නේය. ගහන්නේ මොකටද කියාවත් නිනවුවක්‌ නැත. අප ජීවත්වන්නේ මෙවැනි රටකය.

නැගෙනහිර ඇවිලෙන මුස්‌ලිම් මූලධර්මවාදී ගින්න…
ඒ රැය ගෙවී ගියේය. ගෙවුණු රැයේ සිරුරට ලබා දුන් සැපදායක නොවූ එහෙත් එතරම්ම ගැටලුවක්‌ නැති නින්දකින් පසු අවදි වූ අපි උදැසනම මුතූර් නගරයෙන් පිටව යැමට සැරසුනෙමු.

අපේ ගමන් සගයා මෝටර් රථයේ තත්ත්වය පිරික්‌සමින් සිටී. මුස්‌ලිම් මූලධර්මවාදයේ හොල්මන් සහිත සැඟවුණු භීෂණයකින් යුතු මුතූර් නගරයේදී කිසිදු අතුරු ආන්තරාවකින් තොරව මදුරුවකුටවත් නොදැනී රැයක්‌ ගෙවන්නට පරිසරය සකසා දුන් අපේ අලුත් මිතුරාද හිමිදිරියේම අවදිව අපට සහාය වන අතරේ අලුත් දිනයේ අප යන මඟ පිළිබඳ කෙටි පැහැදිලි කිරීමක්‌ කරමින් සිටී.

“අයියේ.. ඔයාලා වෙරුගල් යනවනේ.. ඒ පැත්තට යන්න.. යන ගමන් වෙරුගල් සීමාවේ තියෙන කාවන්තිස්‌සපුර මහින්දපුර ගම්මාන දිහා බලන්න. ඒ වගේම අද නැගෙනහිර ක්‍රියාත්මක මුස්‌ලිම් මූලධර්මවාදයේ පතුළටම කිමිඳී ඉන්න රාජ්‍ය නිලධාරී මෆියාව ඒ ගම්මාන මඟහැරලා ඊචලන්පත්තු මුස්‌ලිම් ගම්මානයේ සිට සංවර්ධනය ක්‍රියාත්මක කරලා තියෙන විදිහත් බලන්න..

දෙහිවත්ත, වාන්ඇළ සහ පන්සල්ගොඩැල්ල වගේ කොටි ත්‍රස්‌තවාදයෙන් හෙම්බත් වෙනකන් ගුටි කාපු සිංහල මිනිස්‌සු ඉන්න ගම්වලටත් යන්න.. ඒ මිනිස්‌සු අද ත්‍රස්‌තවාදය නැතත් මුස්‌ලිම් මූලධර්මවාදය නිසා කිසිම හව්හරණක්‌ නැතුව කොන්කෙරුණු අසරණයන් පිරිසක්‌ වගේ ජීවත් වෙන විදිහත් රටට පෙන්නන්න..

මම මේ කතා කරන්නේ ජාතිවාදයක්‌ නෙමේ අයියේ.. ඇස්‌ දෙකට පේන්න තියෙන ඇත්ත.. මේ රටේ සිංහල, මුස්‌ලිම් ජනතාව අතරේ කවදාවත් මේ වගේ බෙදීමක්‌ තිබුණේ නැහැ.. අපේ සාම්ප්‍රදායික මුස්‌ලිම්වරු, සිංහලයන් වගේම අනෙක්‌ සියලු ජාතීන් එක්‌ක සමගියෙන්, සහයෝගයෙන් ජීවත් වුණා.

පොඩි කෙළීට අතට වීදුරු වළල්ලක්‌, මාලයක්‌ ගන්න, කොලුවට බෝලයක්‌, විසිල් එකක්‌ ගන්න මොහිදින් නානගේ තොරොම්බල් කරත්තය එනකම් බලාගෙන හිටිය අෙන්‍යාන්‍ය වශයෙන් බැඳුණු සරල සමාජයක්‌ මේ රටේ තිබුණේ.. ඒත් දැන් ඒක නැහැ.. රටේ හිටිය සාම්ප්‍රදායික මුස්‌ලිම්වරුන් යට කරගෙන අද මූලධර්මවාදය ඉස්‌මතු වෙලා.. ඇතැම් සාම්ප්‍රදායික මුස්‌ලිම්වරුනුත් ඒ මූලධර්මවාදයේ ගොදුරු වෙලා..

මේ වෙනකොට ලෝක මුස්‌ලිම් කලාපයක්‌ බිහි කිරීම හෙවත් මුස්‌ලිම් අධිරාජ්‍යයක්‌ ගොඩනැගීමේ මෙහෙයුම අතට අරගෙන ඉන්නේ අයි.එස්‌.අයි.එස්‌. ත්‍රස්‌තවාදීන්.. ඔවුන් මොනතරම් බිහිසුණු ම්ලේච්ඡයන් පිරිසක්‌ද කියන එක පහුගිය දවස්‌වල වාර්තා වුණු සිදුවීම්වලින් තහවුරු වුණා. අයි.එස්‌.අයි.එස්‌. ත්‍රස්‌තවාදය බිහි වෙන්නේ සුන්නි මුස්‌ලිම්වරුන් අතරින්..

අයියේ.. ඔයා දන්නවද? අද නැගෙනහිර ඉන්න මුස්‌ලිම්වරුන්ගෙනුත් අති බහුතරය සුන්නි මුස්‌ලිම්වරුන්.. අපි කවුරුත් නොදැන හිටියට මේ වෙනකොට නැගෙනහිර මුස්‌ලිම්වරුන් අතරේ සමහර අවස්‌ථාවල ෂරියා නීතිය පවා ක්‍රියාත්මක වෙනවා.. ඒ වගේම තමයි පහුගිය කාලේ ඇතැම් ජාත්‍යන්තර ඔත්තු සේවා ප්‍රකාශ කළා ශ්‍රී ලංකාව තුළ ජිහාඩ් අන්තවාදීන් ස්‌ථානගත වෙලා ඉන්නවා කියලා.. ඒක ඇත්ත වෙන්න ඇති..

ඒත් අයියේ ඊටත් එහා තියෙන බරපතළම තත්ත්වය තමයි ඔය කියන ජිහාඩයට වඩා මුස්‌ලිම් මූලධර්මවාදී අධිරාජ්‍යයක සිහිනයක්‌ දකින අයි.එස්‌.අයි.එස්‌. ත්‍රස්‌තවාදය සුන්නි මුස්‌ලිම්වරුන් බහුතරයක්‌ සිටින නැගෙනහිර බිමෙන් ඉස්‌මතු වීමේ අවදානමක්‌ තිබීම.. ඒ ත්‍රස්‌තවාදයේ හොල්මන් අද නැගෙනහිර බිමේ තියෙනවා.. අපේ මිනිස්‌සුන්ට ඒක දැනෙන්නේ නැහැ අයියේ..

හැමෝම ඉන්නේ දේශපාලන පාට කණ්‌ණාඩි දාගෙන අන්ධ වෙලා.. හැබැයි එහෙම දෙයක්‌ ඇති වුණු දවසට අවුරුදු තිහක්‌ බැට කාලා ප්‍රභාකරන්ගෙන් ගැලවුණා වගේ අපට ලෙහෙසියෙන් ගැලවෙන්න ලැබෙන්නේ නැහැ.. අවුරුදු තිහක්‌ නෙමේ අවුරුදු සීයක්‌ ගිහිල්ලවත් ආපස්‌සට හැරිලා අපේ වැරදි නිවැරදි කරගන්න පුළුවන් වෙයිද කියන එකයි ප්‍රශ්නේ.. අද නැගෙනහිර ලියෑවෙමින් තිබෙන්නේ ඒ තරම්ම දරුණු සාතන්ලාගේ කතාවක්‌ අයියේ..”

වේලාව උදැසන හයද පසුවී තවත් අඩහෝරාවක්‌ පමණ ගෙවී ගොස්‌ තිබේ. මේ උදාවී ඇත්තේ අපේ අලුත් මිතුරාට සමුදී අප පිටත්ව යායුතු මොහොතය. තවත් පමා විය නොහැක. මුතූර් නගරයේ රජයේ කාර්යාලයක පුංචි කොනක්‌ රහසේ නවාතැන කර ගත් අප ඒ පිළිබඳ කිසිවකුටත් දැන ගැනීමට ඉඩක්‌ නොතබාම පිටව යා යුතුව ඇත. ඉතිං අපි ඒ කෙටි මතකය පමණක්‌ ඉතිරි කරගෙන යළි ගමන් ඇරඹුවෙමු.

අපේ ගමන් සගයා සුපුරුදු ලෙසම රථයේ සුක්‌කානම අතට ගෙන සිටී. පෙරදා රැයේ සැක මුසු දැස්‌ අතරින් මා ඇවිද ගිය මුතූර් නගරය ඔස්‌සේ ඇදුණු රථය පැය භාගයක්‌ පමණ ගෙවී යද්දී ඉද්ද ගැසුවාක්‌ මෙන් සේරුනුවර දෙසට විහිදී ඇති ඒ මාර්ගයට ගැනීමට ඔහු සමත් විය.

මූලධර්මවාදය සමග ක්‍රියාත්මක රාජ්‍ය නිලධාරි මෆියාවක්‌ හමුවේ කිලෝමීටර් තිහ හතළිහක පරතරයක්‌ තුළ දියුණුවේ සහ නොදියුණුකමේ වෙනස මැනවින් දකින්නට ඇති ඒ මඟේ ගමන් ඇරඹූ අප රථයේ වේගය දැන් ඇඟට පතට නොදැනීම පවනට බඳු වී තිබේ. හීනියට මරණය ගැන සිහිවන මේ රිය ධාවනය අපේ ගමන් සගයාගේ සංසාරගත පුරුද්දක්‌ වැනිය.

බන්දු මල්ලීත්, චන්ද්‍රසෝම මහතා සහ කපිලත් දෑස්‌ වසාගෙන පසු පස අසුනේ නිහඬවම සිටිති. ඒ බියකට නොව ගෙවුණු රැයේ ඉඳ හිට කැඩුණු නින්දේ පහස මඳකට හෝ විඳ ගනු පිණිසය. මේ සුපිරි මාර්ගයේ වේගයෙන් ඉදිරියට ඇදෙන රථයේ සිටම මම යළිත් ඇස්‌ මානයේ ඇති හාත්පස වෙත බැල්මක්‌ හෙළුවෙමි.

පෙරදා ගොම්මන් අඳුර සමග අප මුතූර් වෙත පැමිණෙද්දී දුටු දසුන් දැන් වඩාත් පැහැදිලිව පෙනෙන්නට තිබේ. තැනක උස්‌ වූ මහා ගොඩනැඟිලිය. තවත් තැනෙක කිසිදු අඩුපාඩුවක්‌ නොවන සේ එකම මොඩලයකට තැනූ ලස්‌සන නිවාසවලින් යුතු ගම්මානය. ඒ සමග ඉස්‌ලාමයේ අනන්‍ය ලක්‍ෂණ කිසිත් අඩු නොවන සේ ගමින් ගම ඉදිකෙරුණු පල්ලි ය. ඒ සෑම තැනකම ආරාබි අකුරින් යමක්‌ සටහන් කෙරුණු පුවරුද දක්‌නට ඇත. අඩුවකට ඇත්තේ ඉස්‌ලාමයේ ජන්ම කේන්ද්‍රය වූ මක්‌කම වැනි බිමක්‌ මෙහි දක්‌නට නොවීමය.

පෙනෙන්නට ඇති සියල්ලෙන් ගම්‍ය වන්නේ අද මෙරට ක්‍රියාත්මක මුස්‌ලිම් රාජ්‍ය නොවන සංවිධානවල මැදිහත්වීම මත අරාබි සල්ලි තුළින් මේ සුරපුරය ඉදිකර තිබෙන බවකි. එහෙත් ගැටලුව වන්නේ නොදියුණුකම, දුප්පත්කම සහ අසරණ බව ශ්‍රී ලංකාවේ තැන් තැන්හි විසිර තිබියදී, දැනගැනීමට ඇති පරිදි නැගෙනහිර මුස්‌ලිම්වරුන් අරබයා පමණක්‌ මෙසේ සෘජු ආධාර සේ ආරාබි සල්ලි පොදි පොම්ප වීමය.

ශ්‍රී ලංකාවේ නැගෙනහිර මුස්‌ලිම් ප්‍රජාව ඉලක්‌ක කර මේ මුදල් විසි කෙරෙන්නේ කුමන අරමුණකින් විය හැකිද? නැගෙනහිර යනු මෙරට ඇති වෙනම රාජ්‍යයකැයි අද මුස්‌ලිම් මූලධර්මවාදයේ අන්තයට ගොස්‌ ෂරියා නීතියේ සිරවී මිනිස්‌ බෙලි කපමින් ලෙයට ලෙය සොයන ඇතැම් අරාබි රටවල් සිතා සිටින්නේද?

ප්‍රභාකරන්ගේ තිස්‌වසරක යුද්ධයේ මරණීය අත්දැකීම් බහුල ශ්‍රී ලාංකික පුරවැසියන් ලෙස රට ඉදිරියේ මතුවෙමින් තිබෙන මේ නව අභියෝගය අප සිහි නුවණින් වටහාගත යුත්තකි. නමුත් අප කරමින් සිටින්නේ කුමක්‌ද? අවදානමට පෙර සූදානම වෙනුවට බලය සහ බලය වෙනුවෙන්ම බලය ලබා ගැනීම සඳහා කුලල් කා ගැනීමය.

එහිදී ඇතැමුන් රට ඉදිරියේ ඇති විවිධ අභියෝගයන්හි කොටස්‌කරුවන් වී සිටින බවක්‌ද පෙනෙන්නට ඇත. සැබවින්ම ජාතික මට්‌ටමින් මතුවෙමින් තිබෙන ව්‍යසනයක්‌ හමුවේ අප ජාතියක්‌ වශයෙන් මේ ඇද වැටී සිටිනුයේ කෙතරම් පහත් තැනකටද? එය අප උපන් මේ පිං බිමේත්, ජාතියේත් අවාසනාවක්‌ම නොවන්නේද?

රථයේ වේගය සමග නැගෙනහිර ඉදිවන අරාබි ලෝකයේ පෙනෙන්නට ඇති භෞතික සටහන් එකිනෙක පසුවී යද්දී නොදැනීම පැයක පමණ කාලයක්‌ ගෙවී ගියේය. හරියටම කිව හැකි මතකයක නොවූ එකී කාලය තුළ සේරුනුවර පසුකර කාවන්තිස්‌සපුර හා මහින්දපුර යන ගම්මාන සීමාවට අප ගෙන එන්නට අපේ මඟ පෙන්වන්නා සමත් වූවේය.

මම ඒ ගම්මාන දෙස බැලුවෙමි. ගෙවුණු පැයක පමණ කාලය තුළ දැන් යළිත් ඒ වෙනස පැහැදිලිවම පෙනෙන්නට ඇත. නැගෙනහිර ගොඩනැගෙන අරාබි ලෝකය පෙනෙන මානයේ ඇති කාවන්තිස්‌සපුර සහ මහින්දපුර යනු සැබැවින්ම නොදියුණු බවේ කේඬෑරිකම සමග එහි වෙසෙන මිනිසුන්ගේ අසරණ බව මනාව මතුවී තිබෙන ඉසව්වකි.

කතා දෙකක්‌ නැත. අද ඒ මිනිසුන්ට අත් වී තිබෙන දුක්‌ත ඉරණම දැස්‌ අඳ අයකු වුව එහි ඇවිද ගියහොත් මහ පොළොවේ ඇති කර්කශ බව මගින් දෙපතුල්වලට දැනුම් දෙන්නේය. එය එතරම් කටුක වූවකි. එහෙත් එගම් ඇත්තේද කිලෝමීටර් තිහ හතළිහකට එපිටින් අරාබි සුරපුරයක්‌ ගොඩනැඟී තිබෙන මුතූර් – සේරුනුවර – වෙරුගල් මහ මඟ අද්දරමය.

අද නැගෙනහිර පුරා ක්‍රියාත්මක මුස්‌ලිම් මූලධර්මවාදය සමග වන රාජ්‍ය නිලධාරි, ජාතිවාදී මෆියාවේ තරම දැන ගැනීමට කාවන්තිස්‌සපුර හා මහින්දපුර යන ගම්මාන දෙක දැකීමද ප්‍රමාණවත් වන්නකි. තවත් කියන්නට දෙයක්‌ නැත. ඒවා දැන් ඇටසැකිලිය. ඉතින් නාඩි වැටෙන්නේ ද නැත. හැබැයි මේ ගම්මානවල දැනුදු සිටින්නේ කොටි ත්‍රස්‌තවාදයට ජීවිත පූජා කළ අපේ මිනිසුන්මය.

එහි අළුයට සැඟවී තිබෙන මුස්‌ලිම් මූලධර්මවාදයේ ගිනි යම් ලෙසකින් අනාගතයේ දිනක ඇවිලී ගියහොත් මේ බිමේ ඒකීයභාවය වෙනුවෙන් මුල්ම ජීවිත පූජාව කරන්නට සිදු වන්නේද මේ මිනිසුන්ටය. නමුත් අද ඒ සඳහා ඔවුන් තුළ ශක්‌තියක්‌ නම් ඉතිරිව නැත. නැගෙනහිර පුරා ක්‍රියාත්මක මුස්‌ලිම් මූලධර්මවාදය සමග වන රාජ්‍ය නිලධාරි මෆියාව ඉතා උපක්‍රමශීලීව ඒ මිනිසුන් උපන් බිමේදීම කල්ලතෝනින් පිරිසක්‌ බවට පත් කර අවසන්ය.

අද දවසේ යහපාලනය, ප්‍රජාතන්ත්‍රවාදය, සංවර්ධනය, විධායකය සහ බඩගින්න වැනි දේ ගෙන වට්‌ටියක තබාගෙන නන් දොඩවන අතරේ බල ලෝබය සමඟ රට වටේ යමින් ජාතිකත්වය සහ දේශප්‍රේමය හිරිවට්‌ටන මිනිසුනේ දැනගනිල්ලා මේ බිහිවෙමින් තිබෙන්නේ මීට වසර අසූවකට පෙර ඉන්දීය මුස්‌ලිම් ලීගයේ නායකයාව සිටි රහමන් අලි චෞද්රිගේ සැලසුමේ තිබූ පරිදි ශ්‍රී ලංකාවේ නැගෙනහිර බිම පුරා ගොඩනැඟෙන නසිරිස්‌ථානයම ය.

මේ මොහොත වන විට ජනාධිපති මහින්ද සමග සිටි රිෂාඩ් බදියුදීන් ආදී ලෙසින් වූ මෙරට මුස්‌ලිම් දේශපාලනය මහින්දගෙන් ගැලවී පිටතට යන්නේද ඒ සිහිනය සමගය. වෙනම ම වූ පරිපාලනයක්‌ යන්න මෑත ඉතිහාසයේ සිට ශ්‍රී ලාංකීය මුස්‌ලිම් දේශපාලනයේ එක්‌ ප්‍රබල අරමුණක්‌ වූ බව රටට රහසක්‌ නොවන්නේය.

අපි කාවන්තිස්‌සපුර සහ මහින්දපුර ගම්මානද පසුකර ඉදිරියට ගියෙමු. අරුමයකි. කිලෝමීටර් දෙකක්‌වත් අපට එසේ ගමන් කරන්නට ඉඩක්‌ නොලැබිණි. මහින්දපුර ගම්මානයේ අවසන් කෙළවරින් ඇරඹෙන ඊචලන්පත්තු මුස්‌ලිම් ගමේ සිට යළිත් අරාබි සුරපුරය ගොඩනැගී තිබුණේ විශ්මිත ලෙසිනි.

ඒ සියල්ල දැසින් දකිමින් අපි වෙරුගල් දක්‌වාම ඉදිරියට ගියෙමු. මහමඟ මායිමේ සිට මුහුදු සීමාව දෙසට විහිදී ඇති විශාල ගල්වැටිය නිසාම වෙරුගල්වලට ඒ නම ලැබුණේද යන්න මම නොදනිමි. මේ ගල්වැටිය දුටු විගසම යළිත් ඒ අතීතය මගේ සිහියට නැඟෙන්නට වූයේ බොහෝ මතකයන්ද සමගිනි.

මාවිල්ආරුවෙන් ඇරඹුණු කොටි ත්‍රස්‌තවාදීන්ගෙන් නැගෙනහිර මුදා ගැනීමේ සටනේදී මේ වෙරුගල් භූමිය ජයගන්නට අපේ රණවිරුවෝ කළ කැපකිරීම් අසීමිත වූහ. වෙරුගල් මුදා ගැනීමේ ප්‍රහාරවලදී ගුවන් හමුදා සංග්‍රහයක්‌ නිසි ලෙස ත්‍රස්‌තවාදීන්ට ලබා දීමට මෙකී ගල්වැටිය බාධාවක්‌ වීම එයට හේතු විය.

අපි වෙරුගල් ගඟ හරහා අලුතින් ඉදිවී ඇති පාලම මත රථය නවතා මොහොතකට ඒ බිමට පා තැබුවෙමු. අපේ ගමන් සගයා තවත් අපූරු කතාවක්‌ මට කියන්නට වූයේ ඒ මොහොතේය.

“අයියේ.. දන්නවද වැඩක්‌. අද නැගෙනහිර ක්‍රියාත්මක මූලධර්මවාදී මුස්‌ලිම් රාජ්‍ය නිලධාරි මෆියාව සේරුනුවර වගේම ඒ අවට තියෙන මහින්දපුර, දෙහිවත්ත, නêලපොළ, කාවන්තිස්‌සපුර වගේ සිංහල ගම්මාන ගණනාවකට මේ වෙරුගල් ගඟෙන් පානීය ජලය දෙන්න ජල යෝජනා ක්‍රමයක්‌ සැලසුම් කරලා තියෙනවා. ඒක ජල යෝජනා ක්‍රමය ආරම්භ කරන්න සියල්ල සූදානම් වෙලා අවසන්.

ඒත් මේ වෙරුගල් ගඟේ තියෙන්නේ කලපු ජලය මිශ්‍ර වෙච්ච ලුණු වතුර. මේකට වෙරුගල් ගඟ කිව්වට මාවිල්ආරු සොරොව්ව ඇරියොත් විතරයි මේකේ වතුර ගලාගෙන යන්නේ. අනිත් හැම වෙලේම තියෙන්නේ කලපු වතුර. ඒ ලුණු වතුර තමයි, මෙහේ ඉන්න නිලධාරින් සිංහල ජනතාවට පොවන්න හදන්නේ. හැබැයි ඒක ක්‍රියාත්මක වුණොත් මේ වතුර බීලා ඒ ගම්මානවල ඉන්න මිනිස්‌සු වකුගඩු ලෙඩ්ඩු වෙන එක කාටවත් වළක්‌වන්න බැහැ.

සිංහල ගම්මානවලට එහෙම කළාට මේ නිලධාරින්ම එකතු වෙලා අද කිලෝමීටර් ගණනාවක්‌ දුර ඉඳන් මහවැලි ගඟෙන් වතුර අරගෙන මුතූර්වලට දෙන්න හදනවා. මුතූර් දක්‌වා මේ වෙනකොටත් දාල තියෙන ඒ ජලනළ මාර්ගය එන්නේ සිංහල ගම්මාන මැදින්. හැබැයි මහවැලි ගඟේ වතුර ඒ ගම්වලට ලැබෙන්නේ නැහැ.

මුතූර්වලට වතුර දෙන ඒ ජලයෝජනා ක්‍රමය ආරම්භ කරලා දැන් මැෂින් පවා හයිකරලා ඉවරයි. ඒක තියෙන්නේ නීලපොළ මහවැලි බන්ට්‌ එක ළඟ. අපි එහෙට යමු. මම අයියට පෙන්වන්නම්. මේ සිද්ධි වෙන්න යන්නෙත් උපක්‍රමශීලීව නැගෙනහිර ඉන්න සිංහල ජනතාව විනාශ කිරීමේ වැඩපිළිවෙළක්‌. මෙන්න මේවයි අයියේ ජාතිවාදී වැඩ කියන්නේ. ඒත් අපි මේ ජරා වැඩ ගැන කොතනක හරි කතා කළොත් ජාතිවාදී ලේබල් ඇලවෙන්නේ අපේ ඇඟේ..”

ඔහුගේ ඒ කතාව අසන අතරේම මම වෙරුගල් පාලමේ ඇන්දට බරවී ඒ ගඟ දෙස බැලුවෙමි. කියන්නට දෙයක්‌ නැත. ඒ ගඟේ තැනින් තැන යාන්තමින් දිය පිරී ඇත. එය මඩකරියන් ඇල්ලීමට නම් මරු තැනක්‌ බව කුඩා කල වෙල් ඉපනැලිවල දුව පැන හැදුණු මගේ සිහියට ආවේය. මේ සිදුවෙමින් තිබෙන්නේ කුමක්‌ද යන්න සිතා ගැනීමට පවා නොහැකිය.

ඒ අවිනිශ්චිත බවද සමගින් වෙරුගල් පාලම අසලින් රථය හරවාගෙන අපි යළිත් සේරුනුවර දෙසට එන්නට ගමන් ඇරඹුවෙමු.

නැගෙනහිර ඇවිලෙන මුස්‌ලිම් මූලධර්මවාදී ගින්න…

ප්‍රභාකරන්ගේ අවසානය දැසින් දකින්නට උතුරු යුද බිමට ගිය ඉකුත් මානුෂීය මෙහෙයුම් සමයේ මම එය දැක තිබුණෙමි. මගේ මතකයේ හැටියට ඒ අපේ රණවිරුවන් එල්ටීටීඊය විසින් තනන ලද විශාලම පස්‌ බැම්ම වූ අක්‌කරායන්කුලම් පස්‌ බැම්ම බිඳ දමමින් පෙරට යමින් සිටි අවස්‌ථාව විය.

එවකට එකී වගකීමේ වැඩි බරක්‌ පැටවී තිබුණේ 57 වන සේනාංකය යටතේ වූ බ්‍රිගේඩියර් රවිප්‍රිය නායකත්වය ලබා දුන් 571 බලසේනාවටය. ඡායාරූප ශිල්පී දිමුතුත් මමත් ප්‍රභාකරන්ගේ ප්‍රහාරක මර්මස්‌ථාන ලෙස තිබී පසුව හමුදාව අත්පත් කරගත් තුනුක්‌කායි, මල්ලාවි පසුකර යමින් එදා යුද බිම වෙත ගිය ගමනේදී සතියක පමණ කාලයක්‌ බ්‍රිගේඩියර් රවිප්‍රිය ඇතුළු රණවිරුවන් සමග සටන් බිමේ රැඳී සිටියෙමු.

ඒ කෙටි නැවතීමේදී 571 බලසේනාවේ බොහෝ රණවිරුවන් අපේ මිතුරන් බවට පත් වූයේ දැඩි සමීප බවක්‌ද සමගිනි. එය කඳවුරු බිමේ සිටි විරුවන්ගේ පටන් ඊට මීටර් සියයක්‌ දෙසීයක්‌ එපිටින් වූ අවසන් යුද පෙරමුණේ සිටිමින් සතුරා සමග සටන් වදින රණවිරුවා දක්‌වාම විහිදී ගිය මිතුරු දමක්‌ විය.

සැබැවින්ම අපි මිතුරන් වීමු. නමුත් පෙර දින එකට බත් කටක්‌ කා දවස නිමාවේ වෙන්ව රැය ගෙවා පසුදාට අවදි වන කල්හි එකී මිතුරන් අතරින් සැලකිය යුතු පිරිසක්‌, සිරුරු කැබලි වී ගොස්‌ පණ සුන් මළ මිනිසුන් සේ අපෙන් සමුගෙන යැමට සූදානමින් සිටින අයුරු ඒ යුද බිමේදී මම දැසින් දුටුවෙමි. එය මා ජීවිතයේ මුහුණ දුන් ඉතාම කටුක වූ වේදනාත්මක අත්දැකීමක්‌ම විය.

අද මමත්වය සඟවාගෙන යහපාලනය, ප්‍රජාතන්ත්‍රවාදය සහ පවුල්වාදය ආදී ලෙසින් වූ නොයෙක්‌ අවලාද කියමින් රටේ ජනතාවට සුරංගනා ලෝක පෙන්වන අය මෙන්ම ඒ බහට රැවටී හුරේ දමන වුන් කිසිවකුත් ජීවිතයේ කිසි දිනෙක එවන් අත්දැකීමකට මුහුණ දී ඇත්දැයි මම නොදනිමි.

නමුත් එදා කොටින්ගේ අග නගරය යෑයි කී කිලිනොච්චිය ආසන්නයේ ඇවිලී ගිය අක්‌කරායකුලම් සටන එතරම්ම බිහිසුණු එකක්‌ වූවේය. එහිදී ඉතිහාසය විසින් ජාතියෙන් ඉල්ලා සිටි ජීවිත පරිත්‍යාගය අපේ රණවිරුවන් පොකුරු පිටින් කරනු මව්බිමේ නිදහස වෙනුවෙන්මය.

බ්‍රිගේඩියර් රවිප්‍රිය හා සෙසු විරුවන් සමග එසේ සතියක්‌ ගත කළ අපේ ඊළඟ නවාතැන වූයේ 571 බලසේනාවට තවත් කිලෝ මීටර් 15 ක්‌ පමණ නැගෙනහිරින් ඒ 9 මාර්ගයට සමාන්තරව පෙරට ඇදෙමින් සිටි එවකට කර්නල් ජයසුන්දර යටතේ වූ 572 බලසේනාව විය. ඒ වන විට බිහිසුණු වනගත සටනකට අවතීර්ණ වී සිටි 572 බලසේනාවේ රණවිරුවන් වූයේ එල්ටීටීඊයේ අගනගරය යෑයි කී කිලිනොච්චියේ යෝධ ජල කුලුන ඇස්‌ මානයට පෙනෙන දුර තෙක්‌ සමීපයටම ගොසිනි.

572 බල සේනාව සමග සිටි කාලය තුළ දිනක්‌a මහ වන මැදින් අපේ රණවිරුවන් රැඳී සිටි අවසන් සටන් පෙරමුණ බලා යන්නට මමත් දිමුතුත් පිටත් වූයෙමු. ත්‍රස්‌තයන් වළ දමා තිබූ ජොනී බට්‌ටන් මඟහැර ඒ දුෂ්කර මඟ ගෙවමින් අපි ගිය ගමනේ එක්‌ තැනකදී සතුරු අඩවියට රිංගා ත්‍රස්‌තවාදීන්ට අමතක නොවන ප්‍රහාරයක්‌ එල්ල කර යළි පැමිණෙමින් සිටි යුද හමුදා විශේෂ බළකායේ සෙබළුන් හයදෙනකු හෙවත් කුඩා කණ්‌ඩායමක්‌ අපට මුණ ගැසුණේ අහම්බයක්‌ ලෙසිනි.

ඔවුන් පැමිණෙමින් සිටියේ සතුරා සතුව තිබූ අවි රැසක්‌ද රැගෙනය. අපට හමුවූ ඒ වීරයන් අතර සිටි ප්‍රධානියා වූ කෝප්‍රල්වරයා සමග මහ වනයේ ගස්‌ සෙවනක හිඳිමින් මම එදා මොහොතක්‌ කතාබහ කළෙමි. ඒ වන විට එල්ටීටීඊයේ අවසානයට තිබුණේ හරියටම තවත් මාස හතරක පමණ කාලයකි.

“අයියේ.. කොටින්ට තව වැඩි දවසක්‌ මේ ගේම ගහන්න බැහැ.. අපි දැන් මේ එන්නේ උන්ගේ හොඳම තැනකට ඇටෑක්‌ කරලා..” වන මැද සිටිමින් එදා මට එසේ යුද්ධයේ තතු පැහැදිලි කරන්නට වූ හේ එක්‌ අවස්‌ථාවක තම බෑගයේ තිබූ යමක්‌ ගෙන මට පෙන්වන්නට වූයේ මේ ටිකද කියමිනි.

“අපි ඇටෑක්‌ කරපු තැන එල්ටීටීඊ ලීඩර් කෙනෙක්‌ ඉඳලා තියෙනවා අයියේ.. මේ පිස්‌ටල් එකෙන් ඒක ඔප්පු වෙනවා.. මේකට තමයි මයික්‍රෝ පිස්‌ටල් කියන්නේ.. කොටි නායකයන් ළඟ විතරයි මේව තියෙන්නේ..” මා මුල් වරට මයික්‍රෝa පිස්‌තෝලයක්‌ දුටුවේ එදාය. එය මගේ සදාකාලික මතකයේ රැඳුනකි.

මෙදා නැගෙනහිර බිමේ ශාපය සොයා අප ගිය ගමනේදී මගේ ඒ මතකය අලුත් කරමින් ෂා මොහොමඩ්ගේ ගෝලයා අපට දෙන්නට සොපිං බෑගයක ඔතා මුතූර් වෙරළට රැගෙන ආවේද එවැන්නකි. කතා දෙකක්‌ නැත. මෙයද එල්ටීටීඊයේ ප්‍රබලයකු සතුව තිබුණක්‌ විය යුතුය. එහෙත් දැන් එය තිබෙන්නේ ෂා මොහොමඩ් සතුවය.

මා සමග පැමිණි අපේ අලුත් මිත්‍රයා දැන් ෂා මොහොමඩ්ගේ සගයා හා දෙමළ බසින් කුමක්‌දොa කතා බහ කරමින් සිටිති. ඒ අතර වාරයේ මම ඒ ගිනි අවිය අතට ගෙන පරීක්‍ෂා කරන අයුරින් ඒ මේ අත හරවා බලන්නට වූයෙමි. කිසිදු ප්‍රශ්නයක්‌ නැත. මේ මා එදා කිලිනොච්චි කැලයේදී දුටු ආකාරයේම පිස්‌තෝලයක්‌ බව සහතිකය. තරමින් අල්ලක්‌ පමණ වන එහි තවමත් ඇත්තේ අලුත් පෙනුමකි.

අවසානයේ ඒ ගිනි අවිය නිකමට මෙන් ඇඟිලි අතරට සිර කර ගනිමින් මමද මගේ මිතුරා, ෂා මොහොමඩ්ගේ ගෝලයා සමග කරමින් සිටි කතාවට එකතු වූයෙමි. අප වෙත ආ මොහොමඩ්ගේ සගයා සිංහල බසද යම්තමින් හැසිරවිය හැක්‌කෙක්‌ බව මට වැටහී ගියේ එහිදීය. ඒ ඔහු අප මිත්‍රයා සමග කළ කතා බහ අතරේ මුවින් ගිලිහුණු කැඩුණු සිංහල වචන දෙක තුනක්‌ නිසාය.

ඒ වැටහීම සමග මූතූර් වෙරළට පමණක්‌ සීමා වන සේ තාවකාලික පාතාලයකු වී සිටි මම අවස්ථාවක්‌ බලා ඔහු ඇමතුවෙමි. “මචං අපිට තව ඕන වුණොත් ගන්න මෙහේ බඩු තියෙනවද? ඒ විමසීමත් සමග එකවර කිසිත් නොකියා මා දෙස මොහොතක්‌ බලා සිටි හේ අනතුරුව ඊට පිළිතුරු දෙන්නට වූයේ මෙසේය.

“යර්ස්‌.. යේකට අපේ සික්‍යQරිටි එක මූතූර්වලදී දෙන්ඩ පුළුවාං.. හෙබෙයි එතනින් එහෙට ඔයා බෙලාගන්නඩ ඕනේ.. තව ඕන තරම් බඩු තියානවා මොහොමඩ් නානා ළඟ.. ඒත් මයික්‍රෝ එකට අපි ළඟ දෙනට බුලට්‌ නේ.. ටී µsµaටි සික්‌ස්‌, ත්‍රීඑයිට්‌ ඇන්ඩ් නයින් එම්.එම්.වලට නම් බුලට්‌ හෑව්..”

ඔහුගේ ඒ කතාව නිමවන මොහොතේ මුලදීම අප සැලසුම් කරගෙන සිටි පරිදි මේ ගනුදෙනුවෙන් ගැලවී යැමේ උපක්‍රමය ක්‍රියාත්මක කිරීමට මා සමග පැමිණි මිත්‍රයා යුහුසුළු වූයේ ඇඟට පතට නොදැනෙන ලෙසිනි. දැන් වේලාව රාත්‍රි දහයටද ආසන්නව ඇත. මූතූර් වෙරළේ හමා යන ශීත සුළඟ ඇඟ හිරිවට්‌ටන තරමට දැඩි වී ගත දැවටෙන්නේය.

එසේ ගෙවී ගිය තවත් විනාඩි කිහිපයකදී මා මිත්‍රයා සමග දෙමළ බසින් යළිත්a මොන මොනවාදොa කතා කළ ෂා මොහොමඩ්ගේ සගයා අවසානයේ මා අත වූ ගිනි අවිය රැගෙන නැවතත් සොපිං බෑගයේ ඔතා ඉනේ ගසාගෙන අපෙන් සමුගෙන පිටව යන්නට වූයේ කිසිදු චකිතයකින් තොරවමය.

ඔහු එසේ පිටත්ව ගිය පසු අපි දෙදෙනාද යළි නවාතැන වෙත පැමිණීමේ ගමන ඇරඹුවෙමු. “මචං උඹට තේරුණාද වෙච්ච දේ.. පිස්‌ටල් එක ගන්න නම් මම උගෙන් ඇමෝ ඉල්ලුවා.. ඌ කියනවා කෑලි හයක්‌ හොයලා ආයුදේ ගෙනත් දෙන්නම්. බිස්‌නස්‌ එක කරමු හෙට රැට එන්න කියලා.. මම හා කිව්වා.. ඊට පස්‌සේ තමයි ඌ උඹේ අතින් පිස්‌ටල් එක අරගෙන ගියේ.. අප යළි එන අතරමගදී කරන්නට ගිය ඩීල් එක පිළිබඳ අවසන් කතා බහ සිදුවූ අයුරු මගේ මිත්‍රයා මට එසේ පැහැදිලි කරන්නට වූයේ මුවට නැගුණු සිනහවක්‌ද සමගිනි.

තවමත් මූතූර් නගරය නිදි නැත. ගිය මග යළි ගෙවා ඒ නගරයේ තැන තැන තිබූ සැක මුසු දැස්‌ අතරින් නැවතත් අපි අපේ නවාතැන වෙත ආවෙමු. ගතට දැනෙමින් තිබෙන්නේ දැඩි වෙහෙසකි. නවාතැනේ කොනක වූ වතුර කරාම යකින් ඇඟ පත දොවාගෙන ඉදිරිපස වූ අසුන් කිහිපයකට වී සිටින බන්දු මල්ලීත් කපිල හා චන්ද්‍රසෝම මහතාත් වෙහෙසට බෙහෙත ළඟට ගෙන අප දෙදෙනාද ඔවුනට එක්‌ වන තෙක්‌ ඇඟිලි ගනිමින් බලා සිටිති.

තවත් පමා විය යුතු නැත. වෙහෙස නිවාගෙන මේ රැය සැපසේ ගෙවා දැමිය යුතුය. එහෙයින් යුහුසුළු වූ මාත් මිතුරාත් වතුර පොදක්‌ ඇඟ දමාගෙන දවසේ මහන්සිය සෝදා හරිමින් ඔවුන් සමග එක්‌ වූයෙමු. කටගැස්‌ම නම් එතරම් සැර නැත. එහෙත් “චියර්ස්‌” හඬද සමගින් උගුරෙන් පහතට ඇදී යන මධු බිඳ නම් වෙලාවේ හැටියට අපූරුයෑයි සිත කියන්නේය.

අප මේ සිටින්නේ අද මුස්‌ලිම් මූලධර්මවාදයේ ගිනි, අලුයට සැඟවී තිබෙන නැගෙනහිර බිමේ මුතූර් නගරයේය. මෙහි ඇති මූලධර්මවාදයට අනුව නම් මධු පානය හරාම්ය. නමුත් ඒ මූලධර්ම වාද යට අදාළ නොවන, දවස පුරා ඇවිද වෙහෙසී සිටින අපට නම් දැන් උගුරෙන් පහළට ඇදී යන බිඳක්‌ පාසා සියල්ල හලාල් ය. ඒ හලාල් යන්න සමග වර්තමානයේ මෙරට ක්‍රියාත්මක සැබෑ “හලාල්” නාඩගමද මගේ සිහියට නැගෙන්නට විය.

අද ශ්‍රී ලංකාව පුරා මුස්‌ලිම් මූලධර්මවාදී වටපිටාවක්‌ සකසමින් සමස්‌ත ලංකා උලේමා සංවිධානය සමාජගත කරමින් සිටින හලාල් සංකල්පය පැහැදිලිවම ආර්ථික, ආගමික ආදී වශයෙන් පැති ගණනාවකින් සමාජ බෙදීමක්‌ ඇති කරන්නක්‌ බව ජාතික හෙළ උරුමයේ පාඨලී චම්පික රණවක මහතා සිය “අල් ජිහාද් අල් කයිදා” කෘතියේ සඳහන් කර ඇත. එය නියත සත්‍යයකි. මන්ද ඉස්‌ලාමයට විනා මෙරට ඇති අන් කිසිදු ආගමක එසේ ආගමික වදනක්‌ මුල් කර ගනිමින් සියල්ල බෙදා වෙන් කිරීමේ සංකල්පයක්‌ නොමැත. ඇතැමුන් නින්දිත ලෙස ජාතිවාදී ලේබල ඇලවීමට උත්සාහ දැරුවද ඉකුත් කාලයේ ගලගොඩඅත්තේ ඥනසාර හිමියන් ප්‍රධාන බොදුබල සේනාව “හලාල්” යන්න ගෙන රට තුළ හඬක්‌ මතු කරනු ලැබුවේද උලේමාවරුන් සිදු කරන එකී බෙදා වෙන් කිරීමේ සමාජ ව්‍යසනයට එරෙහිවය.

එහෙත් ඇතැමුන් එය ජාතිවාදී පිළිලයක්‌ ලෙස දකින්නට වූයේ ජාතියේ අවාසනාවකටය. මෙරට තුළ ඉස්‌ලාම් මූලධර්මවාදය සමග මුස්‌ලිම් ජන ව්‍යාප්තියක්‌ සිදුවෙමින් තිබෙන බව ජාතික හෙළ උරුමයේ අතුරලියේ රතන හිමි, පාඨලී චම්පික ඇතුළු පිරිස බොහෝ කලක පටන් දැන සිටින්නකි. ඔවුන් දුටු සියල්ල සත්‍යයක්‌ වෙමින් නැගෙනහිර බිම පුරා අද මුස්‌ලිම් මූලධර්මවාදය මතුවී ඇත්තේ පුපුරා යැමට ආසන්න ගිනි කන්දක්‌ ලෙසිනි.

නමුත් එසේ සත්‍ය දුටු පාඨලීලාට අද සිදුව තිබෙන්නේ කුමක්‌ද? රට ඉදිරියට එන මීළඟ අභියෝගය පිළිබඳ මැනවින් දැනගෙනත් පාඨලීලා අද කොටින්ගෙන් රට බේරා ගත් මහින්ද හරාම් යෑයි කියමින් කෙළවරක්‌ නැති එකමුතුවකට හලාල් සහතික දෙමින් සිටින්නේය. මේ සිදු වෙමින් තිබෙන්නේ කුමක්‌ද? එය වටහා ගත නොහැකිය.

වෙලාව රාත්‍රි එකොළහටද ආසන්න වෙමින් තිබේ. අප වටවී ආරම්භ කළ කාර්යය දැන් අවසානයටද ළඟා වී ඇත. ඒ අතරේ අද නැගෙනහිර බිමේ සිදුවෙමින් තිබෙන දේ පිළිබඳ තවත් තොරතුරු බිඳක්‌ දැන ගැනීමේ අදහස ඇතිව මම අපේ අලුත් මිතුරා ඇමතුවෙමි. “මල්ලි මේ අපි දකින දේවල්වලට වඩා තව මොනවද අද මෙහේ වෙන්නේ..”

“වෙන දේවල් නම් ගොඩයි අයියේ.. අපිට ප්‍රශ්නේ තියෙන්නේ අද මේවා දිහා බලන්න කවුරුත් නැති එකයි.. වේලුපිල්ලේ ප්‍රභාකරන් අවුරුදු තිහක්‌ අපිව වැනසුවේ එදා දොරේ අප්ප මරපු වෙලාවේ එයත් එක්‌ක හිටිය හය දෙනාගේ කල්ලිය සම්බන්ධයෙන් පැහැදිලි උත්තරයක්‌ හොයා ගන්න රට කරවපු අයට බැරි වුණ නිසා..

නමුත් අද නැගෙනහිර තියෙන්නේ ප්‍රභාකරන් හය දෙනෙක්‌ගෙන් ආරම්භ කළාට වඩා දුර දිග ගිය වැඩපිළිවෙළක්‌.. අද මේ පැත්තේ ගැවසෙනවා කොළපාට තලප්පා දාගෙන ඉන්න අමුතුම කණ්‌ඩායමක්‌. ඔවුන් ලංකාවේ මිනිස්‌සුද කියන එකත් ප්‍රශ්නයක්‌.. ඔවුන් කණ්‌ඩායම් වශයෙන් හැමදාම හැන්දැවට මෙහේ හැම ගේකටම ගිහින් නිවැසියන් එක්‌ක සාකච්ඡා කරනවා. ඒක එතනින් නතර වෙන්නේ නැහැ.

රෑ වෙනකොට පාසලකට ගමේ ඉන්න තරුණයෝ සියලු දෙනා රැස්‌ කරලා පූජකයන් වගේ ඉන්න ඒ පිරිස මුස්‌ලිම් මූලධර්මවාදය ප්‍රචාරය කරනවා. ඒ මූලධර්මවාදී රැස්‌වීම්වලට විශාල තරුණයන් පිරිසක්‌ සහභාගි වෙනවා. මොකද මේ ප්‍රදේශවල තරුණ ජනගහනය වැඩියි. ඒ කියන්නේ පූජකයන් වගේ ඉන්න ඒ පිරිස අද නැගෙනහිර බිමේදී රැස්‌වීම් තියලා මූලධර්මවාදය කාවද්දන්නේ ජව සම්පන්න කොටසේ හිස්‌ තුළට. එතනදී ඔවුන්ගේ අරමුණ මොකක්‌ද කියන්න කවුරුත්ම දන්නේ නැහැ..

මේ වෙනකොට නැගෙනහිර ක්‍රියාත්මක වෙන්නේ ඉතාම සැළසුම්සහගත වැඩ පිළිවෙළක්‌ කියන එක පැහැදිලිවම පේන්න තිබෙන දෙයක්‌. ඒකේ කෙළවර කොතනද කියන එකයි ප්‍රශ්නේ..” ඔහු ඒ අවදානමේ කතාව දිගින් දිගටම කියාගෙන යයි. නමුත් ගෙවෙන දවසේ විවේකය ගත යුතු කාලය එළැඹ ඇති බව අපේ ඇස්‌ අපට කියා දෙමින් සිටියි.

ඉතින් අපි එළැඹෙන දවසේ යළි මුතූර් සිට අපේ ගමන ඇරඹීමේ අදහස ඇතිව ඒ දිනයේ කටයුතු නිමා කළෙමු.

Follow

Get every new post delivered to your Inbox.